Ferizaj

Spitali i Ferizajt dhe QKMF marrin masat e nevojshme kundër koronavirusit

Published

7 years ago

12 March, 2020

Dy raste të dyshimta me koronavirus ishin paraqitur javën që shkoi në Spitalin Rajonal të Ferizajt, por që rezultati i tyre pas ekzaminimeve kishte rezultuar negativ.

Drejtori i Spitalit Rajonal të Ferizajt Jeton Zeqiri, tha se njëri nga të dyshuarit me virusin korona po qëndronte për vizitë në Ferizaj pasi kishte ardhur Gjermania. Ai tha se i dyshuari në spital ishte paraqitur me temperaturë të lartë dhe ethe, por që pas testimit rezultati ka dalë negativ.

“Ne i kemi pasur dy raste të dyshuara që janë dërguar në Klinikën Infektive dhe ka rezultuar negativ. Kjo ka ndodhur javën që shkoi, ndërsa njëri nga ta ka qenë i moshës mbi 40 vjeç që ka ardhur në vizit nga Shtutgarti tek familjarët e tij dhe është paraqitur me temperaturë dhe ethe dhe kemi dyshuar dhe ne jemi detyruar ta transferojmë në QKUK, po ashtu edhe rasti tjetër është nga Ferizaj që ka shkuar direkt në Qendrën Infektive, por që të dy rastet kanë rezultuar negativ”, tha Zeqiri.

Zeqiri tha se për të parandaluar këtë virus kanë ndërmarrë masat e nevojshme, ku njëra ndër to është edhe reduktimi i lëvizjes së qytetarëve në këtë spital.

“Ne kemi ngritur nivelin e sigurisë në Spitalin e Ferizajt, kemi marrë masa menjëherë për nivelin e pastërtisë, kemi marrë dezinfektues, poashtu e kemi bërë dezinfektimin gjeneral të spitalit, i kemi ndërprerë vizitat e familjarëve, rastet urgjente, rastet ambulantore do të trajtohen, por lëvizja është reduktuar për vizitorët që i përcjellin pacientët. Unë kam propozuar që emërgjenca primare të jetë objekt filtrues për pacientët nëse kemi një shpërthim të situatës dhe në këtë mënyrë të bëhet izolimi dhe përshkallëzimi i situatës”, tha Zeqiri.

Zeqiri këshillon qytetarët që përveç mbajtjes së higjenës të konsumojnë fruta në mënyrë që ta rrisin imunitetin.

“Qytetari duhet të dijë që shfaqja e temperaturës, shkuarja e hundëve, frymëzënie, këto janë simptomat fillestare për të dyshuar me koronavirus, këtu duhet t’iu bashkëngjitet edhe lëvizja nëpër vende që kanë qenë të prekura siç është Maqedonia, Shqipëria, Italia, Kina, por edhe shtetet që e kanë të konfirmuar këtë rast. Unë i këshilloj qyetarët që mos të kenë frikë, mos të krijojnë panik, virusi mund të kaloj edhe pa simptoma, pa e vërejtur ata, unë i këshilloj të marrin fruta, të marrin vitaminë C, të ruajnë imunitetin dhe po besojmë nëse me rritjen e temperaturave që është në favor tonin ta kalojmë këtë situatë”, tha Zeiqri.

Masa kanë ndërmarrë edhe në Qendrën Kryesore të Mjekësisë Familjare në këtë qytet.

“Janë formuar ekipe në secilën qendër që në rast se paraqiten raste të dyshimta, po ashtu dhe janë krijuar dhoma të veçanta. Nga ministria na kanë njoftuar se do të pajisemi me material shtesë siç janë masat mbrojtëse, ne kemi pasur material, por jo shumë, por në këtë rast udhëheqësi i depos i kishte ruajtur disa rroba të veçanta që veshen në këto raste dhe ato i kemi shpërndarë te ekipet”, tha shefi i shërbimit diagnostik në QKMF-në e Ferizajt, Xhevdet Haxhidema.

Koronavirusi është shpallur pandemi globale nga Organizata Botërore e Shëndetit. Edhe pse deri më tani të gjitha rastet e dyshuara për koronavirus në Kosovë kanë rezultuar negative, si masë parandaluese Qeveria e Kosovës ka vendosur për ndërprerjen e procesit mësimor në të gjitha shkollat e Kosovës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

7 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar