Ferizaj

Marketet mbesin pa miell pasi furnizuesit rrisin çmimin

Published

7 years ago

20 March, 2020

Pas rasteve të para me koronavirus në Kosovë dhe pas shpalljes së gjendjes emergjente në shëndetësi, qytetarët kanë vërshuar marketet dhe mullinjtë për t’u furnizuar me miell, duke bërë kështu që në to të mos gjendet më ky produkt elemetar për jetë. Përfaqësues të marketeve në Ferizaj thonë se kanë mbetur pa miell, meqë furnizuesit nuk po ua sjellin atë përkundër kërkesave të vazhdueshme që janë duke bërë.

Pronari i “Plus Marketit” në Ferizaj, Sylejman Neziri, tha se ka më shumë se 1 javë që në marketin e tij nuk ka miell për konsumatorë.

“Miell ka sa të duash, por nuk janë duke e shpërnda edhe pse ne çdo ditë bëjmë kërkesë. Sot kemi biseduar me ata, na kanë thënë me na pru veç për furrë dhe jo për konsumatorë, këtu është monopol i miellit, e kanë në dorë 2-3 veta, por edhe pushtetarët. Për konsumatorë ka më shumë se 1 javë nuk kemi, na kanë thënë që me na pru veç për furrë, kurse mua konsumatorët çdo ditë po më thërrasin se kur vjen mielli”, tha Sylejman Neziri, pronar i “Plus Marketit” në Ferizaj.

Edhe pronari i marketit ”Eli-Ab” në Ferizaj, Basri Sopa, tha se nuk ka asnjë kilogram miell në depot e marketit të tij. Ai tha se furnizuesit e kanë rritur çmimin e miellit prej afër 10%.

“Për momentin ne nuk kemi asnjë kilogram miell, kemi mundësi me u furnizu por ka lëvizur çmimi për 7-10% më lartë ne ku furnizohemi, për këtë arsye derisa të bie çmimi në nivelin ku ka qenë nuk do të furnizohemi, kemi bërë kërkesa tash po na thonë me 8% më shtrenjtë, ka sasi të mjaftueshme të miellit, por çmimi ka lëvizur dhe për këtë arsye ne nuk do të furnizohemi, problemi është vetëm tek çmimi. Po besoj se brenda një jave do të furnizohemi dhe me çmime siç kanë qenë më herët, përndryshe situata është e rëndë dhe ne nuk po duam me shfrytëzu këtë situatë. Ne jemi duke e pritur sasinë tjetër me një çmim më të ulët që besoj se do të vjen brenda një kohe shumë të shkurt”, tha Basri Sopa, pronar i marketit “Eli-Ab”.

Miell nuk gjendet as në ”ETC”-në e Ferizajt. Mirëpo, aty thonë se ditëve në vijim do të furnizohen mjaftueshëm me këtë produkt.

“Në ”ETC” në Ferizaj kohë pas kohe kemi miell dhe për momentin nuk kemi miell, por ditët në vazhdim do të kemi furnizim të miellit dhe do të ketë sasi të mjaftueshme, ne e kemi depon tonë që furnizohen të gjitha ”ETC”-të, kohë pas kohe ka miell, por ka kërkesa të shumta, për momentin çmimi është i njëjtë”, tha Argjend Berisha, përfaqësues i ”ETC”-së në Ferizaj.

Derisa marketet në Ferizaj nuk janë duke u furniziuar me miell nga furnizuesit vendor, ministrja e Ekonomisë, e Tregtisë dhe e Industrisë, Rozeta Hajdari, ka bërë thirrje që të mos bëhet panik pasi në Kosovë ka mjaftueshëm miell.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar