Ferizaj

Fluks i madh i qytetarëve në Ferizaj pas orës 16:00

Published

6 years ago

27 March, 2020

Nga ora 10:00 deri në orën 16:00 nëpër rrugët e Ferizajt shihet numër shumë i vogël i veturave duke qarkulluar, mirëpo një gjë e tillë nuk vërehet edhe pas orës 16:00 deri në orën 20:00 kur qytetarët kanë të drejtë të lëvizin për të plotësuar nevojat elementare.
Gjatë këtyre orëve kolonat e veturave janë të gjata, ku qytetarët më së shumti po ia mësyjnë marketeve.

Menaxheri i “Interex”-it në Ferizaj, Zgjim Musliu, thotë se në këtë orë numri i konsumatorëve është shumë i madh. Ai thekson se pavarësisht masave që kanë marrë për t’u mbrojtur nga virusi Covid-19, në këto orë të lejuara për lëvizje është problem të mbahet distanca sociale për shkak të numrit të madh të qytetarëve.

“Edhe për neve po është problem me menaxhu këtë pjesë pasi edhe jo të gjithë konsumatorët po e kuptojnë se sa është me rëndësi me mbajtë distancën, edhe pse ne i kemi marrë masat por po është problem e veçanërisht nga ora 16:00 deri në orën 20:00 po është një fluks shumë i madh i konsumatorëve. Ne si kompani e kemi marrë masën që kur të bëhet shumë fluks me i mbyll dyert dhe me i hap për grupe të vogla, kjo për me i ruajt konsumatorët”,tha ai.

Duke parë këtë situatë që po krijohet, ai kërkoi nga institucionet që të rishikojnë vendimin për kufizimin e lëvizjes së qytetarëve.

“Kishte me qenë mirë me pas parasysh me rishiku këtë vendim, kufizimi i lëvizjes me qenë nga ora 08:00 deri në orën 16:00, pasi kështu po rritet fluksi shumë, do të ishte mirë me rishiku edhe një herë këtë vendim”, tha ai.
Ndërkaq, Policia e Ferizajt është duke zbatuar vendimin e qeverisë. Patrullat e Policisë janë duke ndaluar qytetarët të cilët po lëvizin gjatë kohës sa është e ndaluar dalja, madje ata që nuk kanë arsye për dalje janë duke u gjobitur.

Komandanti i Policisë Rajonale në Ferizaj Qazim Reka, u bëri apel qytetarëve që t’iu shmangen sa më shumë daljeve.

“Siç janë të njoftuar edhe qytetarët ka filluar zbatimi i vendimit të ardhur nga qeveria, vendimet janë duke u zbatuar nga qytetarët që edhe i falënderojmë, por pas orës 16:00 është e liruar lëvizja e qytetarëve, njerëzit kanë nevojë me dalë dhe dalin, mirëpo po dalin më shumë se që duhet, prandaj ne iu bëjmë apel qytetarëve që këtë kohë t’i shmangen nëse munden daljes, pasi rreziku është edhe pasdite që të ketë infektime nga ky virus”, tha Reka.

Duke parë fluksin e madh të qytetarëve pas orës 16:00, ka reaguar edhe Instituti Kombëtar i Shëndetësisë Publike të Kosovës duke iu bërë thirrje atyre të mos rrezikojnë shëndetin e tyre dhe të qytetarëve të tjerë.

Ferizaj

Në Ferizaj raportohen katër bankënota të dyshuara nga 500 €

Published

16 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

17 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.