Ferizaj

Kuvendi i Ferizajt mbledhet të mërkurën për ndarjen e mjeteve financiare për COVID-19

Published

7 years ago

28 March, 2020

Kuvendi Komunal i Ferizajt do të mbledhet të mërkurën për të mbajtur një seancë të jashtëzakoshme ku pikë të vetme të rendit të ditës do ta ketë ndarjen e një shume financiare për mbrojtje nga pandemia Covid-19.
Inicues për mbajtjen e kësaj seance është asamblisti Amir Rexhepi. Ai tha se i ka mbledhur 15 nënshkrime nga kuvendarët për t’u thirrur kjo seancë, në mënyrë që të ndahen mjete buxhetore për menaxhimin e koronavirusit.

“Duke parë gjendjen në të cilën po ndodhemi dhe duke parë që shumica e komunave kanë ndarë mjete për të menaxhuar këtë pandemi, atëherë unë vendosa që t’ia jap një propozim kryetarit të komunës dhe kërkova nga kryesuesja që të thërras një seancë të jashtëzakonshme në mënyrë që edhe ne si Kuvend i Ferizajt të ndajmë mjete për menaxhimin e kësaj pandemie në mënyrë që t’u dalim në ndihmë edhe familjeve skamnore që ta përballojnë më lehtë këtë pandemi. Propozimi im ka qenë 100 mijë euro, por duke e parë që komuna e Drenasit ka ndarë 229 mijë euro, po ashtu komuna e Dragashit ka ndarë 150 mijë dhe mendoj se komuna jonë mund të ndaj edhe më shumë, tani të shohim se çfarë shume do të ndaj kryetari i komunës sonë”, tha Rexhepi.

Ndërsa, kryesuesja e Kuvendit Komunal të Ferizajt Kristina Gashi-Bytyqi, tha se për shumën që do të ndahet do të diskutohet me kryetarin e komunës.

“Duke e parë këtë situatë kryetari e ka përmendur që do të mbahet një seancë, megjithatë do t’i shohim nevojat se sa do t’i përballojmë si komunë që t’i mbështesim qytetarët. Të hënën do ta bëj ftesën për një seancë të jashtëzakonshme për ndarjen e mjeteve financiare për mbështetje të familjeve në nevojë. Të hënën do të bëhet ftesa, kurse të mërkurën do ta mbajmë senacën dhe do të jetë vetëm një pikë e rendit të ditës. Ndërsa shumën do ta diskutojmë të hënën dhe kryetari do të na tregoj mjetet prej cilës kategori do të merren dhe si do të shkoj ky proces”,tha Gashi.

Për të respektuar distancën sociale, kryesuesja Gashi-Bytyqi tha se seancën do të mbajnë në palestrën e sporteve ”Bill Clinton” ose në teatrin e qytetit.
“Do t’i respektojmë të giitha masat që janë marrë deri më tani, duke e ditur se nuk kemi të drejtë të afrohemi më shumë se 1 metërne në sallën e kuvendit nuk mund ta mbajmë seancën, por do të shohim mundësitë që ta mbajmë në sallën e sporteve apo në teatër, por këtë vendim do ta marrim të hënën”, tha Gashi.

Për të menaxhuar situatën me pandeminë Covid-19 mjete financiare kanë ndarë edhe disa komuna të tjera të Kosovës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar