Kosovë

Kurti kërkon konsultime për shpërndarje të Parlamentit

Published

6 years ago

01 April, 2020

Kryeministri në detyrë i Republikës së Kosovës, Albin Kurti, para takimit me Presidentin Thaçi, i ka dërguar të njejtit një letër informuese, në të cilin e njofton se qëllimi i vetëm i shkuarjes së tij tek Presidenca është konsultimi me të për datën e shpërndarjes së Parlamentit. Në vazhdim po e publikojmë në tërësi përmbajtjen e kësaj letre :

“I nderuar President i Republikes se Kosoves,

Me shume kenaqesi do te takohem me ju per te folur per hapat e metejme sipas Kushtetutes, pas mocionit te mosbesimit ndaj Qeverise. Po ashtu, konsideroj se zotimi juaj se do t’i ndermerrni keta hapa, eshte shenje pozitive per Republiken tone.

Shpresoj shume se, gjate diteve ne vijim, do t’i qendroni besnik ketij zotimi.

Si kurre me pare,Republika e Kosoves ka nevoje per nje president qe e respekton Kushtetuten, deri ne çdo pike e presje te saj.

Ne kete drejtim, Kushtetuta e Republikes se Kosoves, si dhe vete praktika juaj e meparshme ne vitin 2017, e bejne te qarte se, pas mocionit te suksesshem te mosbesimit, e vetmja rruge perpara eshte shperndarja e Kuvendit te Republikes se Kosoves, ne perputhje me nenin 82.2 te Kushtetutes, dhe shpallja e zgjedhjeve te parakohshme.

Prandaj, deshiroj paraprakisht t’ju bej te qarte, se çështja e vetme per te cilen do te bisedoj sot me ju, eshte se kur do te jete koha me e pershtatshme per shperndarjen e Kuvendit, duke marre parasysh ne veçanti gjendjen emergjente te shendetit publik me te cilen po perballet Republika e Kosoves ne kete kohe. Kjo eshte nje çeshtje qe duhet te diskutojme sa me shpejte qe te jete e mundur, si dhe nje çeshtje per te cilen jemi te detyruar per t’i mbajtur qytetaret e Republikes, burimin e sovranitetit demokratik, vazhdimisht te informuar.

Ndersa, per sa i perket interpretimeve te gabuara te nenit 95.5 te Kushtetutes, kete temë te rendesise dytesore apo tretesore, mund ta leme per ndonje dite tjeter.”

Kosovë

Numërohen rreth 20% të votave të kandidatëve për deputetë

Published

19 hours ago

09 June, 2026

Redaksia

Me procesimin e 19.78% të votave (09.06.2026 ora 10:05), Komisioni Qendror i Zgjedhjeve ka njoftuar se procesi i numërimit të votave të kandidatëve për deputetë ka përfunduar në Junik, Shtërpcë, Han të Elezit dhe Mamushë.

Nga rezultatet e deritanishme, në 10-shën e parë të deputetëve më të votuar tek lista e Vetëvendosjes renditen Albin Kurti, Glauk Konjufca, Albulena Haxhiu, Hekuran Murati, Donika Gërvalla, Xhelal Sveçla, Avni Dehari, Mimoza Kusari-Lila, Hajrulla Çeku dhe Ejup Maqedonci.

Sipas rezultateve preliminare, në të cilat nuk janë përfshirë votat nga vendvotimet me kusht, votat e personave me nevoja të veçanta dhe ato të votimit jashtë Kosovës, Vetëvendosje pritet t’i marrë 48 ulëse në Kuvend.

Në listën e PDK-së, e cila pritet t’i ketë 24 ulëse, i prijnë Bedri Hamza, Përparim Gruda, Arian Tahiri, Uran Ismaili, Sala Jashari, Vlora Çitaku, Ganimete Musliu, Arben Mustafa, Mërgim Lushtaku dhe Enver Hoxhaj.

Listës së kandidatëve më të votuar të LDK-së i prijnë Vjosa Osmani, Lumir Abdixhiku, Doarsa Kica-Xhelili, Hykmete Bajrami, Avdullah Hoti, Ukë Rugova, Kujtim Shala, Anton Quni, Lutfi Haziri dhe Armend Zemaj. LDK pritet t’i ketë 20 deputetë.

Listës së më të votuarve të AAK-së, i prijnë Ardian Gjini, Ramush Haradinaj, Daut Haradinaj, Besnik Tahiri, Bekë Berisha, Burim Ramadani, Time Kadrijaj, Agim Çeku, Arbër Tolaj dhe Albana Bytyqi. Sipas rezultateve preliminare, Aleanca pritet t’i ketë 8 deputetë.

Kosovë

Sot nis numërimi i votave të kandidatëve për deputetë

Published

2 days ago

08 June, 2026

Redaksia

Në Qendrat Komunale të Numërimit sot pritet të nisë procesi i numërimit të votave të kandidatëve për deputetë.

Zëdhënësi i KQZ-së Valmir Elezi, ka thënë se paraprakisht do të bëhet verifikimi i rezultateve të subjekteve politike nga formularët e plotësuar në vendvotime.

Elezi gjithashtu bëri të ditur se sot në ora 16:30, do të mbajnë konferencë për media ku edhe do të njoftojnë për fillimin e verifikimit /numërimit në të gjitha komunat si dhe për të gjitha aktivitetet e KQZ-së në ditët e ardhshme.

Nga publikimi i fundit i rezultateve preliminare të zgjedhjeve të 7 qershorit, nga 99.44% të votave të përpunuara, Lëvizja Vetëvendosje ka marrë në 42.91 % të votave pasuar nga Partia Demokratike e Kosovës me 21.08% dhe Lidhja Demokratike të Kosovës me 17.60% të votave. Ndërkaq Aleanca për Ardhmërinë e Kosovës fitoi 7.17 % të votave.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.

Kosovë

Mbeten edhe 14 kuti votimi të pa numëruara

Published

2 days ago

08 June, 2026

Redaksia

Nga publikimi i fundit i rezultateve preliminare të zgjedhjeve të 7 qershorit, vërehet se nga 2498 kuti kanë mbetur të numërohen edhe 14 sosh.

Sipas faqes së Komisionit Qendror të Zgjedhjeve nga 99.44% të votave të përpunuara, Lëvizja Vetëvendosje ka marrë në 42.91 % ose 297.363 vota. E dyta renditet Partia Demokratike e Kosovës me 21.08% apo me 146.108 vota. Lidhja Demokratike të Kosovës ka marrë 17.60 % apo 121.987 vota, ndërkaq Aleanca për Ardhmërinë e Kosovës me 7.17 % apo 49.712 vota.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.