Ferizaj

Vendosen shirita ndalues në sheshin e Ferizajt

Published

6 years ago

06 April, 2020

Masa për ndalimin e qarkullimit të qytetarëve nëpër sheshe ka nisur të zbatohet sot edhe në sheshin e qytetit të Ferizajt.
Nga ish-objekti i Gjykatës Themelore deri tek kisha dhe xhamia, Policia e Kosovës ka vendosur shirita me qëllim që qytetarët mos të frekuentojnë sheshin, si masë parandaluese për përhapjen e koronavirusit.

Zëdhënësi i Policisë për rajonin e Ferizajt Agim Gashi, tha se shiritat janë vendosur me qëllim të zbatimit të vendimeve mbi ndalimin e grumbullimit dhe shfrytëzimit të shesheve për shëtitje, kurse qytetarët mund të lëvizin skaj tyre për raste pune.

“Referuar rekomandimeve të institucioneve shtetërore lidhur me pandeminë Covid-19 edhe Policia është duke i zbatuar vendimet e qeverisë dhe ka rrethekuar me shirita të sigurisë pjesët e sheshit dhe vetëm 2 metra janë të lejuar për qarkullimin e qytetarëve. Kjo bëhet për mos t’i i lënë qytetarët të bëhen në grupe, krejt kjo me qëllim që të tejkalojmë këtë situatë në të cilën gjendemi”,tha Gashi.

Gashi tha se Policia e Kosovës në vazhdimësi është në terren duke bërë kontrolle nëse janë duke u zbatuar masat që janë vendosur.

“Njësitet policore nonstop janë në terren duke kontrolluar, qëllimi është mos të lihen qytetarët të qëndrojnë në grupe, prandaj edhe i lusim qytetarët që të respektojnë këto vendime të qeverisë të bashkëpunojnë me Policinë dhe mos të qëndrojnë grumbull dhe ta mbajnë distancën sociale”,tha Gashi.
Nga data 08 shkurt e deri më tani në Kosovë janë testuar gjithsej 1.964 mostra të dyshimta në virusin SARS-CoV-2 dhe prej tyre, pozitive rezultojnë gjithsej 145 raste, me 3 raste të vdekjes.

Në komunën e Ferizajt për momentin nuk është raportuar për asnjë qytetarë i cili është prekur me Covid-19, përveç rastit të pacientit nga fshati Bibaj i cili nga aeroporti është futur në karantinë.

Ferizaj

Qendra e Ferizajt 17 orë pa rrymë, KEDS dhe KOSTT ende pa ndonjë sqarim

Published

16 hours ago

30 March, 2026

webmaster

Qendra e Ferizajt vazhdon të mbetet pa energji elektrike për rreth 17 orë, ndërsa ende nuk ka ndonjë sqarim publik nga KEDS, KESCO apo KOSTT lidhur me ndërprerjen.

Sipas të dhënave në aplikacionin eKESCO, arsyeja e ndërprerjes së energjisë elektrike është një defekt teknik i tipit “Phase to Phase Short Circuit”, i cili ka nisur rreth orës 01:00 të mëngjesit të sotëm.

Pa furnizim me energji elektrike kanë mbetur disa zona të qendrës së qytetit, ndërsa qytetarët vazhdojnë të përballen me mungesën e rrymës për një periudhë të gjatë.

Deri më tani nuk ka informacione zyrtare se kur pritet rikthimi i furnizimit me energji elektrike.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.