Ferizaj

Nis rregullimi i trotuareve në Ferizaj

Published

6 years ago

07 April, 2020

Në rrugën ‘’Dëshmorët e Kombit’’ në Ferizaj, saktësisht nga kisha dhe xhamia deri tek teatri ‘’Adriana’’, ka nisur të rregullohet trotuari.

Drejtori i Shërbimeve Publike në Ferizaj Arben Halili, tha se punët do të kryhen shumë shpejtë meqë bizneset janë të mbylluara dhe qarkullimi i njerëzve është më i reduktuar për shkak të situatës me koronavirusin.

“Është duke u bërë riparimi i trotuarit në të dyja anët, është një kohë e mirë për këtë punë, sepse e kemi pasur problem kur e kemi diskutuar riparimin e këtyre trotuareve për shkak se mund t’iu bëjmë pengesa biznesve, por në këtë fatkeqësi është një fat i mirë, sepse jemi duke shfrytëzuar këtë mungesë të mospunës së biznesve, do të bëhet deri tek rrethrrotullimi i vogël, pastaj do të vazhdojmë në pjesën e poshtme të qytetit nga objekti i KEDS-it deri tek furra e “Mikelit”, në të njëjtën kohë jemi duke e shikuar mundësinë nëse ka nevojë me shtu shtylla të ndricimit, po ashtu do të largojmë këta drunj pasi në kuptimin ekologjik nuk janë drunj që i korrenspodojnë rrugëve të qytetit”, tha Halili.

Halili tha se gjatë rregullimit të trotuareve do të krijojnë kushte për lëvizje edhe për personat me nevoja të vecanta.

“Kemi filluar edhe me riparim të rrugëve të qytetit, jemi duke shfrytëzuar këtë fatkeqësi me qëllim që mos të kemi pengesa në qarkullim më vonë. Po ashtu jemi në koordinim me shoqatat “Hendifer” dhe “Handikos” ku kanë pasur pengesa në lëvizje dhe po besoj që do të bëhet një punë e mirë”, tha Halili.

Rregullimi i trotuareve në këto pjesë të qendrës së qytetit, buxhetit të komunës do t’i kushtoj rreth 60 mijë euro.

Ferizaj

Për manovra të rrezikshme ndëshkohen 7 shoferë në Ferizaj

Published

5 days ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.

Ferizaj

Qendra e Ferizajt tashmë 8 orë pa energji elektrike, KEDS konfirmon djegien e kabllove

Published

3 weeks ago

26 December, 2025

webmaster

Qendra e Ferizajt ka hyrë në orën e tetë pa furnizim me energji elektrike. Ndërprerja ka nisur rreth orës 12:00 dhe po vazhdon ende.

Sipas njoftimit të fundit nga KEDS, për shkak të mbingarkesës janë djegur kabllot e transformatorit në qytetin e Ferizajt, çka ka shkaktuar ndërprerjen e energjisë.

Linjat e prekura nga ky defekt janë linja unazore 35 kV Ferizaj 3 – Ferizaj 2, si dhe linjat 10 kV: Banka 1, Banka 2, Banka 3, Ujëvara dhe Kazerma Ferizaj.

Nga KEDS bëhet e ditur se ekipet teknike janë në terren dhe po punojnë intensivisht në sanimin e dëmit, me qëllim të rikthimit të energjisë elektrike sa më parë. Ende nuk është dhënë një afat i saktë se kur pritet normalizimi i furnizimit.

Ferizaj

Qendra e Ferizajt mbi 4 orë pa energji elektrike

Published

3 weeks ago

26 December, 2025

webmaster

Qendra e Ferizajt ka mbi 4 orë që është pa energji elektrike, ndërprerje kjo që ka nisur rreth orës 12:00. Sipas njoftimit online të publikuar nga KESCO, arsyeja e ndaljes së energjisë elektrike është një defekt teknik i tipit “Phase to Earth short circuit”.

Sipas informacioneve në terren, pa energji elektrike kanë mbetur disa nga rrugët kryesore të qendrës së qytetit, përfshirë rrugën Dëshmorët e Kombit, rrugën Ramadan Rexhepi dhe rrugën 12 Qershori.

Deri më tani nuk ka ndonjë njoftim zyrtar nga KESCO se kur pritet të rikthehet furnizimi me energji elektrike.