Ferizaj

Ende nuk dihet se a do të izolohet fshati Sazli

Published

5 years ago

10 April, 2020

3 ditë më parë Instituti Kombëtar i Shëndetësisë Publike të Kosovës raportoi se ndër të prekurit me koronavirus si raste kontakti është edhe një person nga fshati Sazli i Ferizajt, por përkundër kësaj, fshati Sazli ende nuk është futur në karantinë, ashtu siç ka ndodhur me fshatrat e komunave të tjera kur ndonjë person ka rezultuar pozitiv me Covid-19.

Kryeministri në detyrë i Kosovës Albin Kurti, tha se vendimet për futjen në karantinë të fshatrave varen prej rekomandimeve të Institutit të Shëndetit Publik.

“Unë nuk mund ta di se si kanë ardhur te konstatimi që një fshat të futet në karantinë e një tjetër jo, por ne e kemi formuar grupin punues që bashkë me komunën përkatëse t’i marrë vendimet meritore, që do të thotë që aty mund ta merrni përgjigjen për fshatin Sazli, ata i kanë marrë vendimet duke i marrë faktet që i kanë dhe të ekspertizës që i kanë”,tha Kurti.

Edhe kryetari i komunës së Ferizajt Agim Aliu, tha se është në duar të profesionistëve të vendosin për një gjë të tillë.

” Këto janë çështje profesionale, nuk janë as në dorën e kryeministrit e as të kryetarit të komunës së Ferizajt, sa i përket rastit të Sazlisë sot do të merren mostrat e familjarëve që kanë qenë në kontakt edhe sigurisht që bashkëveprimi i ministrive, i IKSHP-së dhe i komunës në varësi të rezultateve që dalin pastaj nxjerrë konkludime se çfarë do të vendoset. Pra, nuk varet nga ne, varet nga rezultat e analizave të mostrave qoftë kudo tjetër. Nuk janë vendime politike që duhet të marrin kryeministri apo kryetarët e komuanve, por janë vendime profesionale”,tha Aliu.

Më 6 prill në Klinikën Emergjente në Prishtinë nga arresti kardiak ka ndërruar jetë një banor i fshatit Sazli të Ferizajt ku të njëjtit pasi i është bërë testi ka rezultuar pozitiv edhe me Covid-19.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.