Ferizaj

400 raste kontakti nga Ferizaj presin të testohen nga IKSHPK-ja

Published

6 years ago

20 April, 2020

Në komunën e Ferizajt deri më sot numri i të infekturve me koronavirus ka shkuar në 90.
Kryetari i komunës së Ferizajt Agim Aliu, tha se janë identifikuar rreth 400 persona që kanë pasur kontakte me të infektuarit dhe janë në listën e Institutit Kombëtar të Shëndetësisë Publike për t’u testuar, edhe pse gjendja e tyre është stabile.
Megjithë numrin e madh të të infektuarve, Aliu tha se nuk ka nevojë për panik.

“Nuk ka nevojë për ndonjë alarm apo që të krijohet përshtypja se kemi një situatë alarmante në Ferizaj, përkundrazi është një situatë krejtësisht nën kontrollë, ne kemi bërë gati edhe një listë të shtuar me persona kontakti që presin për t’iu bërë testet, janë afër 400 persona të cilët janë në listën tonë dhe në mundësinë kur është e mundur të bëhet testi për këta persona do të bëhet, por këta nuk duhet të ndjejnë aspak shqetësim pse nuk janë të ftuar nga Instituti për teste sepse tashmë numri në Kosovë është mbi 6 mijë kontakte dhe nuk është e mundur që të gjithëve t’iu bëhen teste me shpejtësi”, tha Aliu.

Aliu ripërsëriti thirrjen e tij që komuna e Ferizajt të hiqet nga karantina.

“Unë po besoj se ka nevojë që të spostohet policia në kuptimin që më shumë të jenë brenda hapësirës territoriale për të parë se a është duke u respektuar masa e kufizimit të lëvizjes dhe kjo është arsyeja që të hiqet karantina sepse vet respektimi në masën e madhe i vendimeve të qeverisë për kufizim të lëvizjes është karantinë në vete, prandaj edhe shfrytëzimi i këtyre resurseve policore duke u hequr nga hyrje-daljet nga Ferizaj do të mundësonte më shumë kontrollin e qytetarëve”,tha Aliu.

Aliu tha se Ministria e Shëndetësisë është duke e shqyrtuar kërkesën e tij për vënien në funksion të objektit të Insitutit të Shëndetit Publik në Ferizaj, në të cilin planifikohet të trajtohen të infektuarit me Covid-19 nga komuna e Ferizajt.

Ferizaj

Në Ferizaj raportohen katër bankënota të dyshuara nga 500 €

Published

2 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

2 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.