Ferizaj

Salihaj: Ndryshimi i koncepteve rugoviste po i bën dëm Kosovës

Published

5 years ago

05 May, 2020

Sot janë bërë 30 vjet që kur është themeluar Lidhja Demokratike e Kosovës në Ferizaj.

Ndër anëtarët e parë të këtij subjekti në Ferizaj është Adem Salihaj, i cili pak kohë pas themelimit udhëhoqi me këtë subjekt politik në Ferizaj për 18 vite radhazi. Ai tregon për formimin dhe rrugëtimin 30 vjeçar të LDK-së në këtë qytet.

“Nga një sistem komunist që ka qenë atëherë kjo ndryshoi me LDK-në, ishte e para parti që lindi pas këtij sistemi, kishte entuziazëm të madh të qytetarëve. Në Qendrën e Kulturës në Ferizaj bëhej anëtarësimi i anëtarëve dhe ishte një numër i njerëzve tejet i madh. Ishte një grup që u morën me themelimin e subjektit ku dhe u themelua në këtë qendër dhe në kuvendin e parë në vitin 90 u zgjodh kryesia e degës dhe u krijua kryesia, në fillim ka pasur pak nëndegë, ndërsa tani janë 51 nëndegë në Ferizaj”,tha Salihaj.

Sipas Salihajt, LDK ishte kontribuese jo vetëm në arsim, shëndetësi e mirëqenie sociale, por edhe e ndihmoi shumë Ushtrinë Çlirimtare të Kosovës.

“LDK -ja e ka ndihmuar UÇK-në së pari në Jezerc, por edhe më gjerë me përafërsisht 500 mijë marka, me mjete ushqimore, barna dhe me të gjitha gjërat tjera, përveç me armatim që nuk e kemi pasur mundësi ta ndihmojmë. Ne kemi qenë mbështetësit e vetëm të UÇK-së këtu, unë personalisht jam angazhuar që të siguroj ilaçe për UÇK-në”, tha Salihaj.

E, në kohë paqeje Salihaj thotë se LDK nuk po e ndjek idealin e themeluesit të partisë, Ibrahim Rugovës.

“Pas vdekjes së Ibrahim Rugovës u shkaktua zbehje e e LDK-së, por gjithsesi edhe sot LDK shihet si shtyllë kryesore e vendit dhe nuk ka qenë asnjëherë faktorë destabilizues. Në kohën e sotme ka ndryshuar koncepti rugovist dhe për fat të keq këto konfuzet e reja kanë shkaktuar destabilitet që Kosovë që nuk po i bën mirë Kosovës”, tha Salihaj.

Për shkak të situatës së krijuar nga pandemia Covid-19, ky jubile i LDK-së në Ferizaj është shënuar pa aktivitete.

Ferizaj

Policia e Ferizajt pezullon 20 patentë shoferë brenda një jave

Published

8 hours ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

2 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

3 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”