Ferizaj

82 ferizajas të shëruar nga koronavirusi, 14 të tjerë presin ritestimin

Published

6 years ago

07 May, 2020

Komuna e Ferizajt kishte numrin më të madh të rasteve me Covid-19 me gjithsej 98 të infektuar. Ditëve të fundit kjo komunë ka nisur të marrë frymë më lirshëm, pasi numri i personave të infektuar është zero, ndërsa i të shëruarve nga kjo sëmundje ka arritur në 82.

Zëdhënësi i komunës së Ferizajt, Albion Sherifi, tha se tani Ferizaj është në fazën më të mirë të kësaj pandemie.

“Ferizaj nga dikur që ishte në majat e komunave me numrin më të lartë të të infektuarve me Covid-19, për fatin e mirë ka disa ditë që është në majat e komunave me numrin më të lartë të të shëruarve. Pra, është një menaxhim i mirë që është bërë sa i përket edhe kërkesave që kanë pasur familjet e infektura të cilat shtabi u ka dalur në ndihmë në mënyrë që të qëndrojnë në vetizolim dhe mos t’u mungoj asgjë. Tani kemi hyrë në fazën më të mirë të pandemisë pasi kemi lajme të mira ditëve të fundit, zero raste dhe 82 të shëruar”, tha Sherifi.

Megjithatë, nga ky qytet janë edhe 14 persona të cilët ende nuk janë shëruar plotësisht. Sherifi tha se edhe këto 14 raste në testimin e parë kanë rezultuar negativ dhe janë në pritje të testimit të dytë. Ai tha se shumica e këtyre rasteve aktive me Covid-19 janë nga zona e qytetit.

“Edhe numri i mbetur i të infekturave janë duke e marrë trajtimin e nevojshëm, janë duke u zhvilluar ritestime, ata janë në vetizolim, shumica nga ta janë në zonën urbane, por ka edhe raste që kanë mbetur me Covid-19 edhe në zonën rurale. Për të gjitha këto raste aktive në Ferizaj jemi në pritje që tu bëhet ritestimi dhe të dalin deaktiv edhe këta persona”, tha Sherifi.

E, numri i lartë i të shëruarve nga koronavirusi në komunën e Ferizajt siç duket ka bërë që qytetarët e kësaj komune të ndjehen më të sigurt. Që nga dita e hënë kur janë bërë lehtësira në masat e qarkullimit, qytetarët kanë filluar të shpërfillin masat e rekomanduara nga Instituti Kombëtar i Shëndetësisë. Edhe sot qytetarë të shumtë u panë nëpër rrugë e sheshe të Ferizajt, pa maska, pa dorëza e duke mos e respektuar distancën fizike.

Ferizaj

Në Ferizaj raportohen katër bankënota të dyshuara nga 500 €

Published

2 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

2 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.