Ferizaj

Kuvendi i Ferizajt mban seancë online

Published

6 years ago

08 May, 2020

Kuvendi Komunal i Ferizajt sot ka mbajtur seancë të jashtëzakonshme ku pikë e vetme e rendit të ditës ishte raportimi për menaxhimin e situatës me pandeminë Covid-19 në këtë komunë. Seanca e Kuvendit Komunal të Ferizaj u zhvillua online.

Drejtori i Shëndetësisë Bekim Ademi tha se këta dy muaj ekzekutivi i Ferizajt mori vendime të rëndësishme në parandalimin e përhapjes së koronavirusit.

“Ndihmuam me mbi 500 pako familjet pakicë, ku u munduam që në këtë kohë këtij komuniteti mos t’u mungoj asgjë, ndihmuam nënat vetëushqyese, ndihmuam organizatat joqeveritare siç janë shoqatat “Handifer”, “Pema”, shoqatën e të verbërve. Ne si shtab kërkuam nga policia që të shtohen kontrollet. Urdhëruam bizneset që të pajisen me masa mbrojtëse, mos të lënë qytetarët të futen pa maska e dorëza, poashtu bëmë edhe dezinfektimin e thuajse gjitha hapësirave publike. Mbyllëm parqet, tregjet, të gjitha këto për të parandaluar “, tha Ademi.

Ndërsa, asamblistët patën pyetje dhe kërkesa të ndryshme, të cilave iu përgjigj drejtori i Shëndetësisë Bekim Ademi.

“Kërkoj nga kryetari Aliu që të jetë në mbështetje të kompanive publike, gjendja tashmë dihet, nuk kanë pasur inkasime këta muaj, punëtorët dy paga nuk i kanë marrë, bëhet fjalë për kompaninë “Pastërtia”, “Ambienti” dhe “Stacion i Autobusëve”, tha Yllkë Neziri, nga LDK-ja.

“A ka menduar komuna e Ferizajt të ndaj ndonjë buxhet për punëtorët shëndetësor të punësuar me “Caritas”, qeveria ka ndihmuar mjekët, por nuk janë përfshirë edhe këta punëtorë të punësuar me “Caritas”, shumë nga ta kanë qenë në krye të detyrës”, tha Shqipe Jashari, LVV.

“Kemi parë që nëpër markete nuk janë respektuar masat, nuk janë mbajtur maska, dorëza e distanca, të gjitha këto janë masë preventive për parandalim të përhapjes, nëse qytetarët kanë mungesë të tyre atëherë komuna t’ua siguroj ato, por me rëndësi është që ata mos të hynë në markete pa maska”, tha Ali Halimi nga Nisma Socialdemokrate.

“Tek ndihmat kam marrë disa ankesa nga komunitetet pakicë, ku përfaqësues të tyre nuk i kanë përfshirë në listë për ndihma, prandaj kërkoj që të bëhet një kontrollë më e madhe se si shpërndahen ato pako pasi ato janë për të gjithë”, tha Lulzim Abazi, PDK.

“Kemi parë që një pjesë e zyrtarëve komunal kanë qenë shumë të angazhuar, por ka pasur edhe që nuk janë angazhuar, prandaj për atë personel që ka qenë i angazhuar të paguhen me ndonjë shumë simbolike “, tha Nehat Mustafa, asamblist i pavarur.

“A është ndihmuar komuna e Ferizajt nga niveli qëndror, ose si është ndihmuar gjatë kësaj kohe”, tha Arian Imeri, nga PDK-ja.

“Po shpresojmë që do të kryhen pagat e punëtorëve shëndetësor, “Caritas”-i ka dërguar listat në qeveri dhe jemi në pritje. Ndërsa që t’i pajisim qytetarët me maska kjo është paksa e vështirë, pasi nuk ka pasur maska as për punëtorë shëndetësor e le më për qytetarë. Ndërsa për ndihma që nuk kanë marrë komuniteti pakicë, ne kemi marrur listat nga qendra sociale. Në fillim ndihmat nga niveli qëndror kanë qenë të pakta, në ndërkohë kanë filluar të vijnë ndihma, por jo në sasinë që ne e kemi kërkuar, por ne ia kemi dalur me ndihmë të donatorëve të bëjmë zgjidhje,”,tha Ademi.

Kjo ishte seanca e dytë e jashtëzakonshme që Kuvendi Komunal i Ferizajt mbajti që kur është përhapur koronavirusi në vendin tonë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar