Ferizaj

Shënohet Dita Ndërkombëtare e Infermierisë

Published

6 years ago

12 May, 2020

12 maji njihet si Dita Ndërkombëtare e Infermierisë. E, pikërisht këta muaj angazhimi i tyre është ekspozuar edhe më shumë. Për shkak të pandemisë globale koronavirus, shumë njerëz janë mbyllur nëpër shtëpi duke ndalur edhe punën, por një gjë të tillë nuk patën mundësi ta bëjnë mantelbardhët.
Për t’i duartrokitur dhe falënderuar për punën e tyre paraditën e sotme në oborrin e Qendrës Kryesore të Mjekësisë Familjare në Ferizaj ishte organizuar një aktivitet simbolik.

Këtu i pranishëm ishte edhe kryetari i komunës së Ferizajt Agim Aliu, i cili tha se heroizmi i mantelbardhëve është dëshmuar në secilën rrethanë.

“Sot jemi në pamundësi t’i shtrëngoj duart e secilit prej jush për t’iu falëndeuar për të gjithë punën dhe angazhimin që keni bërë. Pranojeni një dorështrëngim të secilit ferizajas që sot është e pamundur t’u shprehet falënderimi juve. Hero në luftë dhe hero në paqe dhe kush më mirë e bën këtë sesa detyra, përgjegjësia dhe angazhimi i një mantelbardhi. Pra, angazhimi i një mantelbardhi është angazhim mes jetës dhe vdekjes, ju jeni ata nga të cilët varet jeta e çdo qytetari”, tha Aliu.

Angazhimi i infermierëve u vlerësua edhe nga drejtues të institucioneve e udhëheqës të departamenteve të ndryshme shëndetësore.

“Dua të falënderoj gjithë punëtorët shëndetësor për punën e palodhshme të tuajën që keni qenë në çdo kohë të gatshëm për të kryer punën me përpikëri”, tha Nadire Ymeri, drejtoreshë e QKMF-së.

“Në këtë pandemi e tërë bota është mbyllur në shtëpi si arma e vetme efikase për ndalimin e përhapjes së infeksionit, por ne mantelbardhët nuk e kemi këtë mundësi, sepse neve kësaj radhe fati na e caktoi që të jemi ushtarë të vijës së parë të përballjes me këtë armik të ri dhe të panjohur. Kësaj radhe ora historike ra mbi ne, or ne nuk do të ndalemi dhe do të qëndrojmë stoik edhe më tutje, sepse kur të përfundoj kjo pandemi ne duhet të dalim ballëhapur para qytetarëve. Të tjerët po na vlerësojnë si heronj, por ne po i kryejmë obligimet që kemi marrë nga qytetarët tanë dhe po përmbushim një premtim që kemi dhënë”, tha Selim Bega, kryeinfermier.

Në këto ditë pandemie dikush është përkujdesur që infermierëve t’iu kushtoj edhe këngë. Është 12 vjeçari Erti Dervishi nga Ferizaj, i cili pikërisht sot e publikoi atë para mantelbardhëve.

“Nëna ime është frymëzimi im që unë kam fillu me këndu dhe jam i lumtur që i këndova këngë nënës sime. Ajo e ka zbuluar talentin time, por edhe më parë nuk u është kushtuar infermierëve këngë. Derisa në këtë situatë nëna ka punuar në fillim ka qenë frika, por tani edhe nëse e kemi virusin besoj se e tejkalojmë pa problem. Secili fëmijë që e ka prindin mantelbardhë do të ndjehet më krenarë tani”, tha Derivishi.

Dita Ndërkombëtare e Infermierëve përkon me 200-vjetorin e lindjes së Florence Nightingale, e cila njihet edhe si themeluesja e infermierisë në botë.

Ferizaj

Siguria juaj fillon me zgjedhjen e duhur të sigurimit

Published

7 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

7 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.