Kosovë

Kosova në listën e vendeve që fituan luftën kundër COVID-19

Published

4 years ago

16 May, 2020

Instituti Amerikan për Hulumtime Akademike NESCI, me seli në Kembrixh të SHBA-ve, ka publikuar ne webfaqen www.endcoronavirus.org një analizë të rezultateve të luftës kundër COVID-19 nëpër vende të ndryshme të botës. Sipas ekspertëve të këtij instituti, Republika e Kosovës rangohet në grupin e parë prej 42 shtetesh, të cilat tashmë e kanë fituar luftën kundër përhapjes së COVID-19.

Në këtë grup nga rajoni i Ballkanit renditen edhe Shqipëria, Mali i Zi, Kroacia dhe Greqia.

NESCI: Lista e vendeve fituese ndaj COVID -19

Në grupin e dytë të kategorizimit, gjenden ato vende të cilat janë afër për ta mundur përhapjen e COVID-19. Nga vendet ballkanke, në këtë grup listohen Maqedonia, Serbia, Bullgaria dhe Turqia.

NESCI: Lista e vendeve të cilat janë afër fitores ndaj COVID-19

Ndërkaq në grupin e tretë, radhiten vendet të cilat ende duhet të veprojnë për ta ndaluar përhapjen e virusit SARS CoV-2. Këtu bëjnë pjesë shtetet si SHBA-ja, Kanadaja, Brazili, Suedia dhe Britania e Madhe.

NESCI: Lista e vendeve që duhet të veprojnë kundCr COVID-19

Edhe rrjeti televiziv amerikan MSNBC, në një storje të publikuar më 14 Maj, bëri krahasimin e masave të ndërmarra nga qeveritë e vendeve nëpër botë, kundër koronavirusit të ri. Aty u përmend edhe Kosova, si një storje e suksesit në parandalimin e përhapjes së mëtutjeshme të virusit vdekjeprurës.

New England Complex Systems Institute (NESCI) merret me studimin e sistemeve komplekse dhe aplikimin e shkencës në zgjidhjen e problemeve reale në botë, duke përfshirë edhe politikat sociale. Ky institut mbledh rreth vetes shkenctarë eminentë nga MIT dhe Harvardi, e partnerë nga universitete të tjera me renome botërore.

Ndalohet kopjimi dhe ribotimi i artikullit apo pjesëve të tij pa pëlqimin e autorit. (RTV TEMA)

Kosovë

Suspendohet nga puna profesori universitar Xhevat Krasniqi

Published

2 days ago

23 April, 2024

Redaksia

Universiteti i Prishtinës “Hasan Prishtina” ka marr vendim që të pezulloj nga puna profesorin Xhevat Krasniqi.

Këtë e kanë bërë të ditur nga UP përmes një komunikate për media.

“Mbi bazën e vendimit të Këshillit të Etikës dhe rekomandimit drejtuar Rektoratit, Rektori i UP-së mori vendim për pezullimin nga puna të Prof. Xhevat Krasniqi, me efekt të menjëhershëm, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.”

“Bazuar në informatat e ofruara nga Këshilli i Etikës i Universitetit të Prishtinës, në lidhje me denoncimin e paraqitur ndaj Prof. Xhevat Krasniqi, UP njofton se Këshilli i Etikës ka marrë vendim mbi këtë rast.

Këshilli i Etikës i rekomandon Rektoratit që çështjen e referuar kundër Prof. Xhevat Krasniqi ta procesojë edhe formalisht në organet e hetuesisë dhe të bashkëpunojë me to si dhe i rekomandon Rektoratit pezullimin nga puna të Prof. Xhevat Krasniqin, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.

Kosovë

Politikani Sandulloviq falënderon presidenten Osmani për ngritjen e çështjes së tij në OKB

Published

2 days ago

23 April, 2024

Redaksia

Politikani serb, Nikolla Sandulloviq, ka falënderuar presidenten e Kosovës për ngritjen e çështjes së atentatit ndaj tij, në mbledhjen e djeshme të Këshillit të Sigurimit të OKB-së në Nju Jork.

Përmes njԯ postimi në Facebook, Sandulloviq tha se atentati ndaj tij u bë nga policia sekrete serbe BIA me urdhër të presidentit serb Aleksandar Vuçiq.

“Atentat i cili u urdhërua sepse vendosa lule në varrin e vajzës shqiptare të vrarë, Blerina Jashari, e cila ishte vetëm 7-vjeçe!”

“Tani e vërteta për rastin tim ka ardhur në OKB, që e gjithë bota ta dijë se si po përhapet urrejtja në Serbi nga regjimi diktatorial ndaj të gjithëve në Serbi që duan paqe dhe pajtim ndërmjet serbëve dhe shqiptarëve”, shkroi Sandulloviq duke shtuar se tashmë edhe OKB-ja e di se si po persekutohen, arrestohen, rrihen e burgosen kundërshtarët politikë të Aleksandër Vuçiqit!

Kosovë

Dënohen me 62 vjet burgim të akuzuarit për dhunimin e vajzës 11 vjeçare

Published

2 days ago

23 April, 2024

Redaksia

Gjykata Themelore në Prishtinë ka dënuar me 62 vjet burgim të akuzuarit në lidhje me rastin e dhunimit të një të miture 11 vjeçare.

Sipas njoftimit që ka lëshuar gjykata, të akuzuarit B.R, D.RR, B.S, M.S, F.S, M.R janë shpallur fajtor dhe janë dënuar nga gjykata, pasi të njëjtit veç e veç kanë kryer veprën penale të Dhunimit, ashtu që i akuzuari B.RR është dënuar me dënim me burgim në kohëzgjatje prej dymbëdhjetë (12) viteve, ndërsa të akuzuarit D.RR, B.S, M.S, F. S dhe M.R janë dënuar në kohëzgjatje prej dhjetë (10) vitesh, secili veç e veç.

“I akuzuari G.S është liruar nga aktakuza për veprën penale të Dhunimit, i pandehuri D.RR është liruar nga aktakuza për veprën penale Ndihmë në kryerjen e veprës penale të Dhunimit, i pandehuri F.S është liruar nga aktakuza për veprën penale Ndihmë në kryerjen e veprës penale të Dhunimi, si dhe i akuzuari E.S është liruar nga aktakuza për veprën penale Ndihmë në kryerjen e veprës penale të Dhunimit”, thuhet në njoftim.

Të akuzuarve B.R, D.RR, B.S, M.S, F.S dhe M.R. iu është caktuar masa e paraburgimit deri ne plotfuqishmërinë e aktgjykimit.

“Të akuzuarit janë obliguar të kompensojnë shpenzimet e procedurës penale, ndërsa pala e dëmtuar është udhëzuar në kontest civil për kërkesën pasurore”.