Ferizaj

Klubet e futbollit në Ferizaj nisin stërvitjet

Published

6 years ago

19 May, 2020

Në kuadër të fazës së dytë të lehtësimit të masave është paraparë edhe nisja e stërvitjeve të klubeve të futbollit që ekzistojnë në Kosovë.

Drejtuesi i klubit të futbollit “Ferizaj”, Nadir Haxhimusa, tha se nesër do t’i ftoj lojtarët që t’i nisin stërvitjet, edhe pse pohon se do të kenë telashe për shkak se në sport nuk mund të respektohen udhëzimet e institucioneve shëndetësore për mbrojtje nga Covid-19.

“Dje kemi marrë lajmin se mund të fillojmë stërvitjet në grupe. Dihet që dy muaj nuk kemi mundur me bë stërvitje ndërsa nga nesër do të fillojmë, do të jetë problem pasi në Kosovë nuk janë kushtet adekuate dhe nuk e di se si do t’ia dalim, kemi lojtarë nga qytete të ndryshme, po ashtu i kemi tre lojtarë nga shtetet e tjera dhe nuk e di se si do të arrijmë të funksionojmë pasi frika mund të jetë edhe tek vet lojtarët dhe ndikon vullneti më së shumti”, tha Haxhimusa.

Edhe Qerim Shaqiri drejtues i klubit të futbollit të femrave “Vizioni”, thotë se do të kenë shumë probleme gjatë organizimit të stërvitjeve.

“Pandeminë e theu liga gjermane dhe ne nuk mund të dalim jashtë kornizave të tjera. Janë rekomandimet prej Ministrisë së Shëndetësisë edhe të Federata e Futbollit të Kosovës të cilët e kanë menaxhuar situatën në formën më të mirë, mirëpo distanca sidomos në lojën e futbollit nuk ka shans me u mbajtë, por kushtet janë të tilla dhe duhet t’iu adaptohemi. Për fillimin e kampionatit femëror ende nuk është marrë vendim dhe ligave të tjera, por do të shohim më vonë se si do të menaxhohet vazhdimi ose rifillimi i kampionatit tek meshkujt dhe nëse bëhet menaxhim i mire besoj që do të shihet e rruges me u liru edhe femrat”, tha Shaqiri.

Pandemia globale Covid-19 u shkaktoi dëme edhe më të mëdha klubeve futbollistike në vend. Megjithë problemet e shumta që kishte me financa edhe para përhapjes së këtij virusi, gjendja në klubin e futbollit “Ferizaj” është rënduar edhe më shumë.
Më mirë nuk qëndron as klubi i futbollit “Vizioni”.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

7 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.