Connect with us

Ferizaj

Qendra këshilluese “Ri-Jeta” kërkon përkrahje institucionale

Published

on

“Ri-Jeta” është emri i ri që tani e tutje do ta mban qendra këshilluese “Këshillimi”. Kjo qendër ka 1 vit që po iu ndihmon të rinjve të cilët përdorin substanca narkotike që t’i kthehen normalitetit.
Udhëheqësja e kësaj qendre këshilluese Arjeta Musliu, tha se kjo qendër tani është regjistruar si organizatë joqeveritare, duke bërë edhe zgjerimin e shërbimeve dhe hapësirave. Musliu, e cila para dy viteve ka humbur djalin si pasojë e përdorimit të substancave narkotike, gjë e cila ka bërë që ajo të shndërrohet në një adresë këshillimi për përdoruesit e drogës, tregon se si vendosi t’ia ndërroj emrin kësaj qendre.

“Fillimisht kur është hapur qendra “Këshillimi” është bazuar në stigmën që e kemi, këshillim, ndërsa tani emri “Ri-Jeta” që e mban qendra jonë tani jam përmbushur në dy aspekte, ata që janë viktima të substancave thjeshtë ringjallen dhe arsyeja tjetër jam përmbushur si nënë, kam bashkuar dy shkronja e para të djalit tim dhe shkurtesën e emrit tim. Tani qendra “Ri-Jeta” është zgjeruar edhe me staf dhe hapësirë duke e parë të nevojshme trajtimin psiko-terapi grupore ku na është dashur një hapësirë më e madhe, por edhe ajo që më ka nxitur që të zgjerohemi është se jemi të mangët në ofrimin e shërbimeve psiko-sociale që përballen familjet, ndër to janë problemet mes qifteve, situata e pandemisë ka bërë të jetë edhe më shumë nxitëse e problemeve, ku është diskutuar edhe ndarja, kështu që e kemi parë të rrugës të kyqemi edhe në këtë shërbim”, tha Musliu.


Duke u përballur direkt me personat që luftojnë me këtë dukuri negative, ajo thotë se numri i përdoruesve të narkotikëve është çdo ditë në rritje.


“Ka kaluar numri 300, akoma pa u bërë një vit numri i të interesuarve apo lista e pritjes është mbushur me persona që presin për të marrë këshilla, kështu që t’i hapim sytë, të fokusohemi më shumë tek kjo dukuri negative që po atakon të rinjtë tanë. Nga muaji nëntor filluam me ligjërata nëpër shkolla, por është e paktë me atë që mund të bëjmë në krahasim me nevojat që janë, numri është çdo ditë në rritje dhe më shqetësuese dhe më e dhimbshme është mosha 13 vjeçare dhe në ofrimin e shërbimeve të trajtimit jemi shumë të mangët në këtë drejtim përgjithësi si vend”, shprehet Musliu.


Sipas Arjeta Musliut, falë këshillave të kësaj qendre 20 persona janë distancuar nga përdorimi i drogave. Megjithatë, ajo thotë se vazhdon të mos ketë mbështetjen e duhur nga institucionet.


“Mjaftueshëm nuk kemi përkrahje, kanë filluar disa donatorë privat, kemi pasur edhe takim me kryetarin e komunës që ta hartojmë një plan për një mbështetje rrjedhëse që të paktën për shpenzimet mujoree siç janë qiraja, rryma, uji, telefoni, janë shumë shpenzime, ne çdo dy javë i përsërisim analizat laboratorike për gjendjen e përdoruesit dhe ato kushtojnë, kështu që ne kemi nevojë për përkrahje institucionale të vazhdueshme, por besoj që do të vijmë tek lehtësimi, këtu falënderoj edhe deputetin Ilmi Reçica i cili këto ditë na ka përkrahur me pagën e tij dhe është një lehtësim për neve kështu që po presim në vazhdimësi”, tha Musliu.


Në Kosovë besohet se numri i përdoruesve të substancave narkotike varion nga 30-35 mijë përdorues dhe mosha më e re që abuzon me drogat është 16 vjeç

Continue Reading
Click to comment

Leave a Reply

Your email address will not be published. Required fields are marked *

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Ferizaj

Ndalohet për 48 orë një person për rastin e vdekjes të punëtorit në Ferizaj

Published

on

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi.  Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale  “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

#

Continue Reading

Trending