Connect with us

Ferizaj

UNDP: Kurti dhe Osmani, më të pëlqyerit e dekadës.

Published

on

Qytetarët e Kosovës më së shumti i besojnë Vjosa Osmanit dhe Albin Kurtit e më së paku Hashim Thaçit si drejtues të institucioneve të shtetit. Kështu tregojnë gjetjet e anketës së Pulsit Publik të UNDP-së e bërë gjatë muajit prill.


Aty thuhet se nivelet e kënaqëshmërisë janë më të lartat të regjistruara nga anketat e Pulsit Publik që nga viti 2010.
Gjetjet e kësaj ankete të UNDP-së në bashkëpunim me USAID-in, tregojnë se 72.4% të qytetarëve janë të kënaqur me punën e kryetares së Kuvendit Vjosa Osmani. kurse 65.4% me punën e kryeministrit Albin Kurti.
Ndërkaq më së dobëti qëndron presidenti i vendit, pasi me punën e Hashim Thaçit shprehen të kënaqur vetëm 18.7% nga 1305 qytetarët e anketuar.
Kjo rënie drastike e pëlqimit të qytetarëve për punën e presidentit Thaçi është edhe më evidente kur krahasohet me pëlqimin që kishte pasur presidentja Atifete Jahjaga, e cila në vitin 2016 kishte besimin e 45.7% të të anketuarve.

Sa i përket institucioneve, listës i prinë qeveria e drejtuar nga Albin Kurti, me punën e së cilës janë shprehur të kënaqur 60.7% e qytetarëve.
Sa për krahasim, qeveria e drejtuar nga Ramush Haradinaj, në maj të vitit 2019 kishte pëlqim prej vetëm 14.4 %, kurse ajo e Isa Mustafës, në prill të vitit 2016 kishte pëlqimin e 17.8% të qytetarëve.

Rritje të besueshmërisë gjatë 3 mujorit të parë të 2020-ës kanë pasur edhe Gjykata dhe Prokuroria të cilat u pëlqyen nga 24.8% respektivisht 22.3% e qytetarëve.
Kryetarja e Kuvendit, Vjosa Osmani ka fituar besimin rekord në këtë matje të opinionit publik.
Punën e saj e pëlqyen 72.4% e qytetarëve. Për krahasim, Kadri Veseli në maj të vitit 2019 kishte pëlqimin e 23.6% të qytetarëve.
Nga të dhënat tjera të publikuara këtë raport, shumica e të anketuarve apo 78.8% u deklaruan të kënaqur me reagimin e institucioneve publike ndaj krizës së shkaktuar nga shpërthimi i COVID-19,
ndërsa 65.9% e qytetarëve kanë thënë se pandemia COVID-19 ka pasur një ndikim negativ në mirëqenien e tyre ekonomike.
Qytetarët ndër problemet kryesore e shohin papunësinë 37.2%, ndjekur nga korrupsioni me 23.5% dhe varfëria 15.3%.

Continue Reading
Click to comment

Leave a Reply

Your email address will not be published. Required fields are marked *

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Ferizaj

Ndalohet për 48 orë një person për rastin e vdekjes të punëtorit në Ferizaj

Published

on

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi.  Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale  “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

#

Continue Reading

Trending