Ferizaj

Shoqata ”Feniks” vazhdon aksionin humanitar

Published

6 years ago

02 June, 2020

Familja 8 anëtarëshe Ilazi nga komuna e Vitisë, së shpejti do ta gëzoj këtë shtëpi të re e cila po ndërtohet falë pronarit të marketit “Eli-Ab” nëpërmjet shoqatës humanitare “Feniks” nga Ferizaj.

Kryetari i shoqatës “Feniks”, Milaim Jashari, tha se përveç ndërtimit të shtëpisë, kësaj familje donatorët ia kanë siguruar edhe truallin.

“Është kënaqësi e madhe kur kemi këso miq si Basria që ka ardhë e ka vizitu këtë familje dhe e ka parë që është në gjendje të vështirë, ia ka blerë vendin 10 mijë euro plus shtëpia 15 mijë euro, plus edhe vëllaut të tij është duke ia ndërtuar një dhomë. Sikur të kishim shumë njerëz të tjerë si Basria, me të vërtetë është kënaqësi të bashkëpunosh me ta. Kjo shtëpi është më e madhe se të tjerat, por Basria është përgjigjur që sa do që kushton vetëm le të bëhet”, tha Jashari.

Kryefamiljari Sadik Ilazi, u shpreh tejet falënderues ndaj donatorëve. Ai tregoi se aktualisht jetojnë me qira në një shtëpi shumë të vjetër.

“Unë jam nga fshati Debëlldeh i Vitisë, gjithmonë më ka shkuar jeta me qira, por falë donatorit Basri Sopa që ai nuk është duke ndërtuar shtëpi, por është duke ndërtuar qabën e dytë. Unë jam thuajse i vebër, 100 euro e kam qiranë, me social jemi, ato i marrë si invalid që jam. Sikur një njeri që e prit me vizitu qaben ashtu edhe unë jam duke prit me hy në shtëpi të re”, tha Sadik Ilazi.

Shoqata “Feniks” bashkë me donatorë, për 3 muaj ka ndërtuar 3 shtëpi në rajonin e Ferizajt, ndërsa edhe 4 të tjera i ka nisur në Shqipëri, ku atje kanë planifikuar që këtë vit t’i ndërtojnë 10 shtëpi.

Ferizaj

Arrestohen tre të dyshuar për hajni në disa markete të Ferizajt

Published

3 days ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

7 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

1 week ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: