Ferizaj

Të rinjtë e Ferizajt dhurojnë gjak

Published

6 years ago

17 June, 2020

Anëtarët e Kuvendit të të Rinjve të Ferizajt u bënë bashkë këtë të mërkurë dhe shkuan për të dhuruar gjak në Qendrën e Transfuzionit të Gjakut në Ferizaj, me rastin e Javës së Dhurimit të Gjakut.

Të rinjtë thanë se iniciativa e tyre e sotme ndër të tjera synon të ngritë vetëdijen qytetare se dhurimi i gjakut është shumë i rëndësishëm.

“Ne sot erdhëm si Kuvend i të Rinjve për të dhuruar gjak në Javën e Dhurimit të Gjakut e cila javë shënohet si sensibilizim i qytetarëve për të shpëtuar jetë. Ne jemi ende të rinj, sa i kemi mbushur 18 vjet dhe ne si Kuvend i shënojmë datat e rëndësishme prandaj dhe sot jemi këtu”, tha Pranvera Bytyqi, kryetare e Kuvendit të të Rinjve.

“Kemi vendosur me ardhë me dhuru gjak në Ditën Botërore të Dhurimit të gjakut dhe e shpallëm si ide për me dhuru gjak ata që jemi mbi 18 vjet dhe sot jemi këtu”, tha Qëndrim Mustafa, dhurues gjaku.

Kjo iniciativë e të rinjve iu pëlqeu udhëheqësve të Qendrës së Transfuzionit të Gjakut në Spitalin Rajonal të Ferizajt.

“Na vjen mirë dhe jemi shumë falënderues për këta dhurues, sidomos kjo moshë që janë vetëdijësu për të dhuruar gjak”, tha doktoresha Merita Qerimi-Tërshana.

Ajo tha se nevoja për gjak të grupeve të ndryshme është gjithmonë evidente, e veçanërisht në këtë kohë pandemie kur numri i dhuruesve të gjakut ka shënuar rënie.

“Gjatë kohës së pandemisë kemi pasur pak probleme pasi numri i vullnetarëve ra, por me thirrjen emergjente kombëtare të gjakut qytetarët u janë përgjigjur thirrjeve për të dhuruar gjak. Në Ferizaj është numri i kënaqur i dhuruesve të gjakut ku 90% janë dhurues vullentarë të gjakut, kurse 10% janë dhurues familjarë”, tha Qerimi -Tërshana.

Java e Dhurimit të Gjakut ka filluar më 14 qershor dhe do të vazhdoj deri më 21 qershor.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

2 days ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

2 days ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

3 days ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.