Ferizaj

Gastronomët ferizajas ankohen për masat e reja të vendosura nga Qeveria

Published

6 years ago

08 July, 2020

Pas shtimit të rasteve me COVID-19 ditëve të fundit në vend, nga dita e hënë është marrë vendim që të gjitha shërbimet e gastronomisë, përfshirë restorantet, kafeteritë dhe klubet e natës të mos ofrojnë shërbime nga ora 21:00 deri në 05:00 të mëngjesit në të gjithë territorin e vendit tonë.

Një vendim i tillë nga gastronomët ferizajas po cilësohet diskriminues. Ata thonë se kanë shpresuar që të paktën gjatë verës do t’i kompensojnë humbjet që i kanë pasur përgjatë 3 muajve të kaluar.

“Normal që e përkahim vendimin e Qeverisë pasi është në favor të mbrojtjes së shëndetit, por si gastronomi na ka dëmtuar shumë, puna nuk është duke u bërë si më herët, jemi duke pasur shumë vështirësi pasi edhe ne kemi shumë shpenzime, nuk kemi as përkrahje të Qeverisë, pagat e premtuara nuk kanë dalë, ndërsa edhe më e rëndë është që ne po diskriminohemi, disa biznese me punu ndërsa ne jo, masat jemi duke u munduar në maksimum me i respektu”, tha Egzon Aliu, udhëheqës i kafeterisë “Premiera” në Ferizaj.

“Ne kemi filluar punën që 1 muaj e gjysmë, në këtë muaj jemi munduar maksimalisht me i respektu masat, por prapë puna ka qenë më e vogël, tani është sezona e verës dhe ne sektori i gastronomisë kemi pritur me punu tani, ndërsa masat e reja me punu deri në ora 9 prapë na dëmtojnë neve dhe njerëzit dalin më shumë në mbrëmje për t’iu ikur temperaturave të larta gjatë ditës”, tha Leona Jahiri, pronare e “Lonki’s Cake”.

Në komunën e Ferizaj është e ndaluar edhe lëvizja e qytetarëve në këtë orar. Qytetarëve të Ferizajt nuk po u pëlqen menaxhimi që është duke u bërë me situatën që ka krijuar pandemia.

“Këtë moshë e kam bërë dhe nuk e di se çka janë viruset, menaxhimi nuk është fare, në fillim filluam me i përdor maskat dhe kishte raste, ndërsa normal që ka tash më shumë raste se ka njerëz më shumë duke lëvizur, por më e dyshimta është njerëzit që po shërohen si po shërohen ata, kjo është për t’u çuditur, normal që vdes njeri 70 vjeçar, edhe unë jam 70 vjeçar dhe normal nuk pres me u bë i ri, por vetëm me prit vdekjen në këtë moshë”, tha Sejdi Sejdiu.

“Situata është bukur serioze pasi në kohën e fundit është duke u rritur numri, unë nuk kam maskë për momentin, e kam në veturë, por zakonisht e mbaj, ka nevojë për më shumë kujdesje, ndërsa sa i përket masave të reja prej orës 21:00 deri në orën 5:00 të mëngjesit nuk e di sa munden me prodhu efekt, mendoj që duhet të jenë më rigoroze masat që të definohet saktë për të gjithë“, tha një tjetër qytetar.

3 mijë e 886 raste pozitive me koronavirus janë regjistruar deri më tani në Kosovë me gjithsej 82 raste të vdekjes të cilët kanë pasur sëmundje të tjera shoqëruese, ndërsa numri i të shëruarve në vend është gjithsej 2 mijë e 3 raste, kurse raste aktive me koronavirus janë 1 mijë e 801.

Instituti Kombëtar i Shëndetësisë Publike në vazhdimësi është duke bërë thirrje që të zbatohen masat mbrojtëse si mbajtja e maskave, mbajtja e distancës dhe e higjienës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

17 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar