Ferizaj

177 raste aktive me koronavirus në Ferizaj

Published

6 years ago

09 July, 2020

Numri i të prekurve me koronavirus në komunën e Ferizajt ka shkuar në 177 pas konfirmimit të 55 rasteve të reja mbrëmë nga Instituti Kombëtar i Shëndetit Publik. Në mesin e të infektuarve janë 8 mjekë specialistë, 13 infermierë, 4 staf tjetër i Spitalit të Ferizajt dhe 4 zyrtarë komunal, përfshirë edhe inspektorë. Ndërsa, në Spitalin e Ferizajt janë duke u trajtuar 13 persona, ku 11 prej tyre po mjekohen me oksigjeno-terapi.

Megjithatë, numri i lartë i të infektuarve nuk po i bind ferizajasit që t’i respektojnë masat mbrojtëse kundër përhapjes së pandemisë Covid-19.

E, lidhur me këtë kryetari i komunës Agim Aliu, thotë se një individ nuk mund të bëj asgjë, por duhet që qytetarët vet të vetëdijësohen.

“Beteja me pandeminë nuk është betejë e një individi, e një institucioni pa marrë parasysh cili është ai, por është një betejë e përgjithshme dhe vet fakti që është një pandemi dhe vet fakti që është gjithëpërfshirëse në kuptimin e atakimit të qytetarëve unë po besoj se edhe reagimi duhet të jetë gjithëpërfshirës dhe unë po besoj se secili apel i yni duhet të jetë i pranuar nga qytetarët pasi është për ata dhe e bënë më të lehtë përballjen tonë me Covid-19. Edhe po t’i kemi 100 inspektorë është e vështirë sepse ne nuk mundemi që secilin qytetarë ta përcjellim, vet qytetarët duhet të jenë inspektor të vetvetës”, theksoi Aliu.

Aliu tha se janë në pritje të funksionalizimit të Qendrës së Shëndetit Publik në Ferizaj, në mënyrë që të infektuarit t’i trajtojnë atje.

“Duke e pasur parasysh faktin se Spitali i Ferizajt është spital që ka hapësira të kufizuara, kemi vendosur që ridizajnohet bashkëveprimi mes QKMF-së dhe Spitalit ku do të lirohen hapësira të caktuara të QKMF-së në mënyrë që disa nga repartet brenda spitalit të jenë të akomoduara për të prekurit, por duke pasur parasysh këtë ecuri shumë shpejt do ta funksionalizojmë Qendrën Rajonale të Shëndetit Publik”, u shpreh Aliu.

Në nivel vendi numri i raste aktive me Covid-19 është 1 mijë e 951.

Ferizaj

Në Ferizaj raportohen katër bankënota të dyshuara nga 500 €

Published

3 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.