Ferizaj

2 të vdekur nga COVID-19 në Spitalin e Ferizajt

Published

5 years ago

15 July, 2020

Në Spitalin e Ferizajt kanë vdekur dy persona të infektuar me koronavirus. Drejtori i Spitalit Rajonal të Ferizajt, Jeton Zeqiri, tha se edhe tre pacientë të tjerë janë në gjendje kritike. Ai ka njoftuar se në këtë spital 20 pacientë po trajtohen me oksigjeno-terapi, kurse gjashtë të tjerë janë liruar për në shtëpi pasi gjendja shëndetësore e tyre ishte e mirë.

Nga rezultatet e publikuara sot nga Instituti Kombëtar i Shëndetësisë Publike të Kosovës, në Ferizaj janë regjistruar dy raste pozitive me koronavirus.

Ferizaj

Disa pjesë të Ferizajt të shtunën sërish pa rrymë për 9 orë

Published

2 days ago

21 November, 2025

Redaksia

KEDS ka njoftuar se të shtunën, 22 nëntor 2025, qendra e qytetit të Ferizajt dhe disa rrugë përreth do të mbeten pa rrymë nga ora 9:00 deri në orën 18:00.

Sipas njoftimit të KEDS, shkaku i ndërprerjes së furnizimit me energji elektrike është realizimi i projekteve investive.

Nga TS 35/10kV Ferizaj II do të ndërpritet:

Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

Vendet: MBTS Banka,TS Fatmir Rashani,TS Halil Haxhidema,TS TMK Ndërtesa,TS Koncorzium Komuna (përballë Spitalit)

Arsyeja: Projekte Investive, Konvertimi i Daljes 2 20kV!

Nga TS 35/10kV Ferizaj III do të ndërpritet:

Dalja 10[kV] Ylli 2 (kodi: 40042016) nga ora 09:00 deri në ora 18:00

Vendet: Rr. Skënderbeu, rr.Sadik Tafarshiku, rr.Riza Goga, rr.12 Qershori, VIVA FRESH SH.P.K. Xhevdet Rexhepi, rr.Agim Matoshi, rr.Imri Halili

Arsyeja: Projekte Investive, Konvertimi i Daljes 2 20kV!

Ferizaj

Zjarri që përfshiu objektin afarist në Ferizaj ende aktiv

Published

3 days ago

20 November, 2025

Redaksia

Zjarri që përfshiu objektin afarist dhe depon e kompanisë ferizajase “Elita” ende nuk është shuar.

Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij.

Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit ndërkaq hetimet për shkaqet e zjarrit janë duke u zhvilluar me autorizim të prokurorit të shtetit.

Sipas pronarit të biznesit, dëmet e shkaktuar nga ky zjarr kapin shifrën rreth 15 milionë euro.

Ferizaj

Përfshihet nga zjarr i madh një objekt afarist në Ferizaj

Published

4 days ago

20 November, 2025

Redaksia

Mëngjesin e sotëm një zjarr i madh përfshiu nj ë objekt afarist dhe depot e tij në Ferizaj.

Lokacioni i biznesit është në afërsi të udhëkryqit të rrugës “Driton Islami” dhe magjistrales Ferizaj-Kaçanik.

Ekipet e zjarrfikësve nga Ferizaj dhe nga qytetet e afërta janë duke u munduar të lokalizojnë zjarrin, pasi në afërsi të objektit ku shpërtheu zjarri janë edhe disa objekte tjera afariste.

Policia e Kosovës ka njoftuar se për shpërthimin e zjarrit është njoftuar rreth orës 09:15 dhe se ekipet e policisë dhe të zjarrfikësve janë në vendngjarje.