Ferizaj

56 pacientë të shtrirë në Spitalin e Ferizajt, 2 në gjendje të rëndë

Published

6 years ago

05 August, 2020

56 persona me simptoma të virusit Covid-19 janë të shtrirë në Spitalin e Ferizajt, ku 46 prej tyre janë duke u trajtuar me oksigjeno-terapi.

Drejtori i këtij spitali Jeton Zeqiri, tha se ditëve të fundit brenda 24 orëve 30 deri 40 persona të dyshuar me virusin korona, po kërkojnë ndihmë mjekësore në këtë spital.

“Në spitalin tonë i kemi të hospitalizuar 56 raste, prej tyre 46 pacientë janë duke u trajtuar me terapi protokollare dhe oksigjeno-terapi, ndërsa dy pacientë i kemi në CPAP që janë në gjendje më të rënduar shëndetësore dhe diku brenda ditës jemi duke pasur një frekuentim diku 30 deri 40 pacientë që janë duke kërkuar ndihmë për kontrolla specialistike”, tha Zeqiri.

Rritja e numrit të pacientëve që kanë nevojë për oksigjen ka bërë që brenda 24 orëve në këtë spital të shpenzohen afër 120 bombola oksigjeni.

“Sa i përket oksigjenimit ne jemi duke u furnizuar nga tre operatorë, për momentin jemi mirë me oksigjen, jemi duke e shfrytëzuar edhe kontratën e Kuvendit Komunal për shfrytëzim pasi ne më parë brenda javës kemi shpenzuar 30-40 bombola, ndërsa në ditët e sotme brenda 24 orëve i shpenzojmë diku 120 bombola që është një rritje enorme e shfrytëzimit të oksgjenit“, theksoi ai.

Zeqiri ankohet se neglizhenca e nivelit qendror për të funksionalizuar objektin e Qendrës Rajonale të Shëndetit Publik në Ferizaj, në mënyrë që pacientët me Covid-19 të trajtohen aty, po ndikon në mosofrimin e shërbimeve të tjera mjekësore brenda këtij spitali.

“Mundem të them që është nevojë jetike për qytetin tonë pasi ne kemi ndërprerë thuajse të gjitha aktivitetet e shërbimeve për patologjitë e tjera, ne jemi duke operuar vetëm me emërgjencën primare, ndërsa gjinekologjinë e kemi transferuar në Dispanzer ku është me një kapacitet të përgjysmuar ku mund të merret ndihma bazike për qytetarët e këtij regjioni, ne kemi bërë projektin e detajuar, ia kemi dërguar ministrisë, ata në parim e kanë pranuar ndësa ne ende jemi duke pritur që të jetësohet ai objekt”, u shpreh Zeqiri.

Në komunën e Ferizajt aktualisht janë 208 persona aktiv me Covid-19.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 day ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.

Ferizaj

Raportohet zhdukja e një djali në Ferizaj

Published

1 day ago

11 June, 2026

Redaksia

Policia e Kosovës ka njoftuar se një djalë është raportuar i zhdukur në Ferizaj.

Zhdukja e të riut është raportuar të martën mbrëma, rreth orës 18:00.

“Më 10.06.2026 një femër kosovare ka raportuar se djali i saj është larguar nga shtëpia dhe nuk kanë njohuri për vendndodhjen e tij”, thuhet në raportin 24-orësh të Policisë.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

1 week ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”