Ferizaj

Fshatrat e Ferizajt në hall nga mushkonjat

Published

6 years ago

24 August, 2020

Banorët e fshatrave të Ferizajt ka disa ditë që nuk po munden të gjejnë qetësi nga mushkonjat.

Xhevat Sallahu, përfaqësues i fshatit Zllatar të Ferizajt, thotë se ndihen të rrezikuar nga mushkonjat meqë ato përhapin sëmundje të ndryshme, e sidomos në këtë kohë pandemie kur rreziku është më i shtuar.

”Këto ditë kemi ankesa të banorëve për shumë mushkonja që nuk mbahet mend që kanë qenë kaq shumë agresive dhe infektuese, prandaj unë kam kontaktu edhe me kryetarin e komunës që të filloj dezinsektimi i hapësirave dhe mendoj që dezinsektimi duhet të bëhet nga ajri dhe jo me vetura pasi problem që mund të zgjidhet ky problem nëse nuk bëhet nga ajri”, tha Sallahu.

Edhe përfaqësuesi i fshatit Sojevë Sylejman Syla, thotë se janë në hall me mushkonjat, madje si pasojë e tyre disa banorë kanë kërkuar edhe trajtim mjekësor.

“Ka më shumë se një javë që kanë filluar me u shfaq me të madhe, është shumë shqetësim pasi nuk po mundemi as jashtë me dalë, as me i hap dritaret pasi janë bërë të padurueshme, ka raste që po duhet me i dërgu njerëzit edhe tek mjeku për shkak të tyre”, tha Syla.

Në Inspektoratin e komunës së Ferizajt thonë se kanë pranuar shumë ankesa nga banorët e fshatrave për shqetësimet që janë duke i pasur nga këto insekte, prandaj këtë të mërkurë do të nisin të bëjnë dezinsektimin hapësinor në të gjitha fshatrat e Ferizajt.

“Inspektorati nga java e kaluar ka monitoruar kompaninë e kontraktuar nga komuna që bënë dezinsektimin e hapësirave publike, gjatë vikendit kemi përfunduar gjithë qytetinm ndërsa nga dita e mërkurë fillon dezinsektimi në të gjithë fshatrat e Ferizajt”, tha Maliq Muharremi, inspektor.

Sipas shkencëtarëve, mushkonjat shkaktojnë gati gjysmë milioni vdekje çdo vit për shkak të sëmundjeve të ndryshme që ato transmetojnë.

Ferizaj

Ndahet nga jeta veterani i UÇK-së, Avdi H. Ahmeti

Published

1 day ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.