Connect with us

Ferizaj

KPF ia procedon Kuvendit propozim-vendimin për ndarjen e rezervave buxhetore të komunës

Published

6 years ago

on

Komiteti për Politikë e Financa në mbledhjen e mbajtur sot kalimthi ia procedoi Kuvendit Komunal raportin e Auditimit të komunës së Ferizajt për vitin 2019. Ky dokument i Zyrës Kombëtare të Auditimit të Republikës së Kosovës i cili ka pasqyruar menaxhimin financiar që ka bërë ekzekutivi i Ferizajt vitin e kaluar, nuk zgjoi interesim për diskutim nga anëtarët e KPF-së.  Kështu, përveç drejtoreshës së Financave Sebahate Ajeti, e cila në pika të shkurta e paraqiti këtë raport, anëtarët e Komitetit nuk dhanë asnjë koment lidhur me këtë raport duke e thënë se atë do ta diskutojnë në mbledhjen e Kuvendit.   

“Sipas opinionit të auditorëve pasqyrat financiare për vitin e përfunduar 31 dhjetor 2019 prezantojnë një pamje të drejtë dhe të vërtetë në të gjitha aspektet materiale në përputhje me standardet ndërkombëtare të kontabilitetit për sektorin publik. Baza për opinionin e auditimit, konkretisht theksimi i çështjes është bërë për shkak të shpenzimeve në vlerë prej 417 mijë euro që janë paguar dhe regjistruar në kategori jo adekuate të shpenzimeve si rezultat i vendimeve gjyqësore dhe përmbarimore. Auditori ka theksuar që ka qenë si planifikim i gabuar  në buxhetin e vitit 2019 për shkak se obligimet që kanë dalë nga njëra kategori dhe janë ekzekutar përmes përmbaruesve nga kategoria tjetër ka qenë si rezultat që nuk kemi pasur mjete që t’i paguajmë me kohë të gjitha faturat dhe si rrjedhojë e kësaj opinioni i auditimit nuk është modifikuar me këtë çështje”, tha Ajeti.

Përveç raportit të Auditimit, drejtoresha e Financave prezantoi edhe dy pika të tjera, të cilat edhe u votuan nga anëtarët e KPF-së për të kalur për diskutim dhe miratim në seancën e Kuvendit,  raportin financiar për periudhën janar-qershor 2020 dhe propozim-vendimin për ndarjen e rezervave buxhetore të komunës për vitin 2020.

“Mjete rezervë të komunës së Ferizajt në kuadër të buxhetit të vitit 2020 për paga dhe mëditje që do të duhej të shpenzoheshin tek shërbyesit publik kanë qenë gjithësej 1 milion e 900 e 447 euro, mirëpo meqenëse ligji i pagave nuk ka hyrë në fuqi ne kemi propozuar që këto mjete të shpërndahen nëpër kategoritë ekonomike, në mallra dhe shërbime i kemi ndarë  515,447 mijë euro,  në subvencione dhe transfere 50 mijë euro si dhe në investime kapitale 1 milion e 425 mijë euro”, theksoi Ajeti.

E, ky propozim i ekzekutivit që nga mjetet rezervë gjysmë milioni euro të kalojnë në mallra dhe shërbime, Imri Hashanit të LDK-së iu duk jo i duhur.

“Po më duket shumë nga 1 milion e 900 mijë euro gjysmë milioni euro keni ndarë për mallra dhe shërbime, mos ka qenë më mirë që këto mjete të shkojnë në investime kapitale aty ku preken më shumë nga qytetarët”, tha Hashani.

“Ju e dini që kemi ndarë 200 mijë euro për pandemi dhe të gjitha ato mjete kanë qenë nga të hyrat vetanake dhe normalisht që ne kemi mbetur mangut në kontratat që kemi pasur të lidhura dhe një pjesë e këtyre mjeteve është orientuar në mallra dhe shërbime për të mbuluar vakumin që është bërë në realizimin e të hyrave vetanake”, tha Ajeti.

 Në këtë mbledhje, Komiteti për Politikë e Financa ia procedoi Kuvendit Komunal edhe propozim vendimin  për vënien në diskutim publik të draft rregullores për përkujdesjen dhe mbrojtjen e fëmijëve.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

on

07 September, 2026

By

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.  

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

#

Continue Reading

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

on

25 August, 2026

By

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj –  Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Continue Reading

Ferizaj

Siguria juaj fillon me zgjedhjen e duhur të sigurimit

Published

4 weeks ago

on

25 August, 2026

By

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

•  Sigurim i shëndetit në udhëtim – për udhëtime të sigurta jashtë vendit

•   Sigurim shëndetësor – kujdes dhe mbrojtje për shëndetin tuaj

•   Sigurim i personave nga aksidentet – mbështetje financiare në rast të aksidenteve të papritura

•   Sigurim TPL & TPL+  – sigurim i detyrueshëm dhe i zgjeruar për automjete

•  Sigurim Kasko i automjeteve – mbrojtje e plotë për veturën tuaj

•  Sigurim i pronës, banesës dhe shtëpisë – siguri për pronën dhe familjen tuaj

•  Sigurim i ofertës (tenderit) – për kompani që marrin pjesë në tenderë

•   Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

  • *Artikull i sponsorizuar

Continue Reading

Trending