Ferizaj

Të shtunën dhe të dielën mbahet gara e kampionatit të Kosovës në çiklizëm

Published

6 years ago

04 September, 2020

Këtë të shtunë dhe të dielë do të mbahet gara e kampionatit të Kosovës në çiklizëm, ku do të marrin pjesë 9 klube nga qytete të ndryshme të Kosovës.

Kryetari i Federatës së Çiklizimit të Kosovës, Avni Nuha, tha se ka kohë që është përpjekur që të mbahet kjo garë dhe pas disa tentativa u lejua që ajo të organizohet këtë vikend në autostradën “Arbën Xhaferi”.

“Federata e Çiklizimit të Kosovës pas disa angazhimeve të mëdha dhe anulimeve që vinin nga ministria nga IKSHP-ja më në fund erdhi përgjigja pozitive që kampionati i Kosovës të mbahet dhe nesër fillon në qytetin e Ferizajt. Ky event që është shumë me rëndësi është nën ombrellën e Federatës Botërore, ndërsa e mbikqyrë Federata e Çiklizimit të Kosovës së bashku me klubin nikoqir “Kastrioti”. Sipas informatava që kemi do të vijnë të gjitha klubet dhe fatmirësisht Federata është hapur edhe me 3 klube të reja, klubi “Vjosa”, “Hajvalia” dhe “Dardana” nga Kamenica, për të cilat do të jetë kënaqësi që të marrin pjesë”, tha Nuha.

Nuha tregon se të shtunën do të mbahet gara e kronometrit, ndërsa të dielën do të mbahet etapa e gjatë 125 km.

“Nesër do të filloj nga ora 11:00 është garë kronometër, është në autostradë dhe do të filloj nga rrethi në fshatin Bibaj deri në Babush dhe anasjelltas, 22 kilometra, do të lëshohen çiklistët një nga nje pas çdo 1 minuti. Ndërsa të dielën është 125 kilometra, do të filloj përsëri në Ferizaj, do të shkojmë deri në Doganaj të Kaçanikut, do të kthehemi përsëri në Ferizaj, ndërsa finishi do të jetë në Han të Elezit“, tha Nuha.

E çiklistët fitues, përveç mjeteve financiare, do të kenë edhe përfitime të tjera.

“Çiklistët përfitojnë mjete fnanciare, por mbi të gjitha fitojnë pikë botërore, ne jemi duke punuar që ndonjë çiklist nga Kosova ose nga Ferizaj të marrë pjesë në lojërat olimpike”, tha Nuha.

Kryetari i Federatës së Çiklizmit të Kosovës, u bëri apel qytetarëve që në intervalet sa zhvillohet gara, të evitojnë qarkullimin nëpër autostradën “Arbën Xhaferi”.

Ferizaj

Humb jetën një punëtor në një objekt në ndërtim në Ferizaj

Published

3 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.