Ferizaj

Në Gjykatën e Ferizajt vazhdon gjykimi i Faik Graincës

Published

6 years ago

08 September, 2020

Në Gjykatën Themelore të Ferizajt, vazhdoi edhe sot seanca gjyqësore ndaj ish-drejtorit të Urbanizmit të Ferizajt Faik Grainca, i cili akuzohet se ka falsifikuar dokumente zyrtare dhe ka keqpërdorur pozitën zyrtare gjatë miratimit të Planit Zhvillimor Komunal të Ferizajt.

Graincës edhe në këtë seancë iu parashturan pyetje nga pala e dëmtuar.

Bekim Haliti kërkoi nga Grainca të sqaroj se kush ishte inicues që të bëhet revidimi i zonës tetë të qytetit, duke e akuzuar Graincën se që nga viti 2015 kur i ka dhënë leje ndërtimore të afërmve të tij për të ndërtuar një objekt shumëkatësh në një parcelë skaj rrugës ”Astrit Bytyqi”, ka nisur të bëj kamuflime me dokumentet zyrtare.

“Kush e ka inicu planin për revidimin e zonave?”, pyeti Haliti.

“Ndryshimet e planeve i bën kryetari i komunës, ai kërkon që të realizohen përmes drejtorisë, pastaj merr vendim Kuvendi”, u përgjigj Grainca.

“Fakti flet diçka tjetër se inicimi për revidimin e planeve rregulluese është bërë nga Faik Grainca, i nënshkruar, bëhet fjalë për propozim -vendim për inicimin e ndryshimit të planit rregullues zona e 8 që dëshmon se është inicuar nga Faik Grainca e jo siç deklaruat më herët”, tha Haliti.

“Asnjë dokument nuk mundet me hy në Kuvend pa e nënshkru kryetari”, tha Grainca.

“Këtu nuk ka nënshkrim të kryetarit, por të nënkryetarit Xhavit Zariqi”, u shpreh Haliti.

Pas pyetjeve për ngjarjet e vitit 2015, Haliti kaloi tek viti 2017, saktësisht në periudhën e hartimit të Planit Zhvillimor Komunal.

“Çfarë mund të thoni ju që për ta marrë pëlqimin prej ministrisë keni dërguar paraprakisht raportin e diskutimit publik duke shkruar se ka qenë prej datës 22.06.2017 deri më datën 22.07.2017, mirëpo ju personalisht njoftimin për qytetarë e keni bërë me data krejt tjera, unë e kam njoftimin e drejtorisë të nënshkruar nga ju ku shkruan se njoftimi publik fillon nga data 22.06.2017 deri 01.07.2017 “, pyeti Haliti.

”Kam harru, nuk e di saktësisht, por e di që afatin e parë e kemi caktu në marrëveshje me ministrinë, pastaj ministria na ka thënë meqë është një dokument i rëndësishëm është mirë me vazhdu edhe për 15 ditë dhe ne e kemi vazhduar“, tha Grainca.

“I akuzuar a mundesh me na tregu se si është e mundur që gjithë këto gabime për zonën 8 rruga “Astrit Bytyqi”, ndryshime në data në diskutime publike, ndryshime e gabime në data në peticione e shumë të tjera, si është e mundur kjo, pse vetëm në rrugën “Astrit Bytyqi”, pyeti Haliti.

“Gabimet janë normale, gjithkush mund të gaboj, mund të gabohet edhe këtu në proceverbal dhe të shkruhet ndonjë datë gabim”, tha Grainca.

E, në pjesën e dytë të kësaj seance gjyqësore, Haliti nuk mori shumë përgjigje në pyetjet e tij, meqë Grainca pothuajse në secilën pyetje tha se është përgjigjur më parë.

Seanca e radhës u caktua për 1 tetor.

Ferizaj

Në Ferizaj raportohen katër bankënota të dyshuara nga 500 €

Published

1 week ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 week ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.