Ferizaj

MAPL nuk gjen vërejtje në punën e Kuvendit të Ferizajt

Published

6 years ago

10 September, 2020

Ministria e Administrimit të Pushtetit Lokal, e cila është mbikqyrëse e ligjshmërisë së akteve të komunave, ka vlerësuar se Kuvendi Komunal i Ferizajt nuk ka bërë asnjë shkelje në 6 mujorin e parë të këtij viti.

E, për të treguar këtë raport të ministrisë, kryesuesja e Kuvendit Komunal të Ferizajt, Kristina Gashi-Bytyqi, thirri konferencë për media.

Ajo u shpreh se ky raport dëshmon zotimin që kishte dhënë kur e kishte marrë detyrën si kryesuese, se do t’i zbatoj në përpikëri ligjet në fuqi.

“Kuvendi Komunal i Ferizajt në 6 mujorin e parë ka miratuar 27 vendime dhe 3 rregullore të gjitha të shqyrtuara dhe pa asnjë përgjigje negative apo të konstatuar si të paligjshme. Në raportin e pranuar si pasqyrë e punës së Kuvendit, Kuvendi i Komunës së Ferizajt është ndër komunat e pakta të Kosovës që nuk ka asnjë shkelje, madje as rekomandim, sepse kemi respektuar parimet, kriteret dhe të gjitha procedurat ligjore, andaj unë zotohem edhe më tutje se do të vazhdoj të punoj duke përmbushur të gjitha obligimet ligjore dhe presim që për herë të parë të formojmë edhe sekretarinë e Kuvendit të Ferizajt”, tha Gashi-Bytyqi.

Sa i përket vlerësimit të Ministrisë së Mjedisit dhe Planifikimit Hapësinor që rregullorja për dhënien e tokës komunale për ndërtim është në kundërshtim me ligjin, kryesuesja Gashi-Bytyqi thotë se nuk e kanë marrë parasysh këtë dokument meqë ai është ende vetëm një draft.

“Draft-rregulloret hynë në grupin e vendimeve të cilat nuk kërkojnë vlerësim të ligjshmërisë, pasi si drafte janë të paplotësura, andaj draftet duhet plotësuar me qytetarë, me konsulta, me ministrinë e pastaj të dalin në Kuvend si rregullore dhe pasi të aprovohen atëherë ministria bën vlerësimin e asaj regullore, kështu që është një dokument që nuk e kemi marrë parasysh pasi është një dokument i paplotësuar”, tha Gashi-Bytyqi.

Sipas raportit të funksionimit të komunave të publikuar nga Ministria e Administrimit të Pushtetit Lokal, komunat më së shumti bëjnë shkelje në propozim vendimet që kanë të bëjnë me dhënien e pronës komunale në shfrytëzim, rastet e dhënies së pronës komunale me negocim të kryetarit të komunës, rastet e këmbimit të pronës komunale, si dhe vendime për caktimin e lokacioneve për ndërtimin e objekteve të ndryshme.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar