Ferizaj

1 milion euro më pak në buxhetin e Ferizajt për vitin 2021

Published

6 years ago

15 September, 2020

30 shtatori është afati i fundit për miratimin e buxhetit komunal për vitin 2021, ndërsa ekzekutivi i Ferizajt përveç që nuk ia ka dorëzuar ende kryesueses së Kuvendit këtë dokument të rëndësishëm, për të nuk janë thirrur as debate publike.

Lidhur me këtë ka reaguar organizata joqeveritare Iniciativa për Progres. Arbenita Topalli nga kjo organizatë, thotë se komuna e Ferizajt ka qenë dashur që moti ta ketë draftin e buxhetit për vitin e ardhshëm.

“Qytetarët nuk kanë pasur mundësi të shohin një lloj drafti, ose të shohin sa është buxheti i ndarë për investime kaptiale e për kategoritë e tjera, përderisa nuk e kemi një pasqyrë të tillë të publikuar në ëeb faqen e komunës, nuk e dimë se si e ka menduar vet komuna qasjen e tillë, por për disa rregullore ka realizuar takime publike, ndërsa çështjen e buxhetit jo. Ne presim që komuna ta publikoj sa më shpejt draftin e buxhetit dhe t’i adresoj kërkesat që janë bërë deri më tani“, tha Topalli.

Në anën tjetër, drejtoresha e Financave në komunën e Ferizaj Sebahate Ajeti-Sadiku, thotë se ka kohë që e kanë përgatitur draft-buxhetin e vitit 2021, por që ministria i ka urdhëruar që të mos vazhdojnë tutje derisa t’iu vie qarkorja e tretë buxhetore.

“Ne e kemi përgatitur draft-buxhetin në bazë të qarkores së dytë buxhetore, por në momentin që ne është dashur ta dërgojmë në Kuvend neve na ka ardhë një njoftim nga ministria për të mos proceduar tutje me dorëzimin e buxhetit pasi është dashur ta presim qarkoren e tretë buxhetore, po ashtu ministria ka bërë rishqyrtimin e kornizës afatmesme të shpenzimeve dhe kjo ka qenë arsyeja që ne është dashur ta presim qarkoren e tretë. Në momentin e marrjes së qarkores së dytë buxhetore ne kemi bërë njoftimin përmes platformës online, pasi për shkak të pandemisë nuk kemi mundur me organizu takime direkte, por përmes platformës online i kemi marrë të gjitha kërkesat që i kanë drejtuar qytetarët, po ashtu edhe nga kryetarë të fshatrave dhe lagjeve kemi kërkuar që të gjitha kërkesat t’i sjellin përmes tyre, të cilat edhe i kemi pranuar”, tha Ajeti-Sadiku.

Drejtoresha e Financave, tregoi se buxheti për vitin 2021 është shkurtuar për më shumë se 1 milion euro.

“Të hyrat vetanake janë ulur për afër 600 mijë euro si dhe granti i përgjithshëm është zvogëluar për afër 453 mijë euro kryesisht në investime kapitale, kështu që në mënyrë të përgjithshme buxheti i Ferizajt për vitin 2021 ka ulje për mbi 1 milion euro, mirëpo në bazë të qarkores 03 këto shkurtime janë në investime kapitale, kështu që ne do të duhej t’i rishikojmë edhe një herë investimet kapitale, po ashtu t’i rishqyrtojmë edhe projektet që kemi pasur t’i realizojmë”, tha Ajeti Sadiku.

Drejtoresha e Financave tha se draft-buxheti për vitin 2021, i cili ka vlerën prej 31 milionë e 485 mijë euro, shumë shpejt do t’i dërgohet Kuvendit Komunal për miratim.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

46 mins ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

18 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar