Ferizaj

Policia shpërndanë maska për qytetarët e Ferizajt

Published

5 years ago

30 September, 2020

Për dallim prej herave të tjera kur qytetarët që nuk mbanin maskë dënoheshin nga Policia, sot pikërisht ata që përkujdesen për respektimin e masave për parandalimin e përhapjes së koronavirusit, morën iniciativë që t’iu shpërndajnë maska qytetarëve në sheshin e Ferizajt.

Ky aksion i policisë u realizua nga Shoqata e Grave Police e cila funksionon në kuadër të Drejtorisë Rajonale të Policisë së Kosovës. Maskat që sot u dhuruan nga Policia, janë donacion i Ambasadës Amerikane.

Zëdhënësi i Policisë për rajonin e Ferizajt, Agim Gashi, tha se qytetarët tashmë janë vetëdijësuar për mbajtjen e maskës, mirëpo ka edhe të atillë që nuk po i respektojnë vendimet e qeverisë lidhur me masat anti-covid.

“Në bashkëpunim me Shoqatën e Grave Police dhe Ambasadën Amerikane jemi duke shpërndarë maska për qytetarë për të treguar se edhe ne dëshirojmë të kontribuojmë në këtë situatë të krijuar. Është e kënaqëshme bartja e maskave nga ana e qytetarëve, janë vetëdijësuar mjaft shumë, por ka edhe persona që nuk i përfillin këto vendime, kështu në 24 orëshin e fundit kemi pasur të shqiptuara 63 fletëparaqitje për kundërvajtje, pra për mosmbajtje të maskave si dhe kemi dhënë 43 vërejtje”, tha Gashi.

Qytetarëve ferizajas iu pëlqeu ky aksion i Policisë.

“Mirë është shumë, është aksion shumë i mirë”, tha një qytetar.

“Aksion i mirë e i vlefshëm, meqë është obligative mbajtja e maskave qytetarët duhet t’i respektojnë këto vendime, aksioni është me vend, duhet respektuar uniforma”, tha Ramadan Miftari, qytetar.

“Është shumë i mirë ky aksion sepse jo të gjithë kanë mundësi të blejnë maska“, tha një tjetër qytetar.

Ky aksion i Policisë që është mbështetur nga Ambasada Amerikane, do të vazhdoj në të gjitha qytetet e Kosovës.

Ferizaj

Arrestohen tre të dyshuar për hajni në disa markete të Ferizajt

Published

22 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

5 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

7 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: