Ferizaj

Banorët e Zllatarit kërkojnë rregullimin e rrjetit energjetik përmes peticionit

Published

6 years ago

12 October, 2020

Ka vite që banorët e fshatrave Bibaj, Sojevë, Mirosalë, Dardani dhe Zllatar të komunës së Ferizajt po përballen me ndërprerje të shpeshta dhe cilësi të dobët të energjisë elektrike si pasojë e vjetërsisë së shtyllave. Jo vetëm kaq, këta banorë çdo ditë janë të rrezikuar edhe nga shtyllat elektrike të cilat shpesh po bien mbi shtëpi të banimit e nëpër rrugë dhe së fundi ato kanë rënë edhe në oborrin e shkollës “4 Prilli” në fshatin Zllatar.

Kjo ka shtyrë banorët e këtij fshati të dorëzojnë një peticion me mbi 100 nënshkrime në KEDS dhe në Prokurorinë Themelore të Ferizajt.

Përfaqësuesi i fshatit Zllatar Xhevat Sallahu, ankohet se KEDS-i nuk po i shqyrton kërkesat e tyre për riparim të rrjetit elektrik, përkundër kërkesave të shumta që kanë bërë.

“Probleme tani kemi me tensionin e ulët, shtyllat të cilat janë të viteve 50-60 ku dhe kemi pasur një aksident që ka mundur të kushtoj me jetëra të njerëzve siç ka ndodhë këputja e telit në oborr të shkollës dhe këputja e telit tek një familje ku u kanë rënë kabllot në hyrje të shtëpisë, edhe pse e kisha lajmëruar KEDS-in për këtë familje që është në rrezik nuk morën masa menjëherë derisa u rrëzua shtylla dhe duke e parë këtë kemi organizuar një peticion që ua kemi drejtuar këto shqetësime tona KEDS-it, ZRRE-së dhe Prokurorisë Themelore në Ferizaj”, tha Sallahu.

“Katastrofë është, shtyllat që 60 vite janë të vendosura, telat çdo ditë këputen, çdo ditë dalim i ndalojmë fëmijët se shkelin nëpër to, askush nuk vjen me i rregullu, ma keq s’ka, për ndërprerje mos të flasim më, çdo ditë kemi ndalje”, tha Hysni Sallahu, banor i fshatit Zllatar.

Për mungesë të rrymës ankohen edhe fabrikat prodhuese dhe bizneset tjera që operojnë në këto lokalitete të komunës së Ferizajt. Përfaqësues të tyre thonë se ndërprerjet e energjisë elektrike u kanë shkatuar dhe po u shkaktojnë dëme prej qindra e mijëra eurove.

”Sot nuk ka rrymë, e kemi mbyll komplet firmën, punëtorët i kemi çu në shtëpi, porositë po vonohen, probleme shumë dhe krejt kjo shkaku i rrymës, dëmet janë të pashmangshme, po ashtu edhe vonesa, edhe humbje të klientëve, gjithçka”, tha Burim Berisha, përfaqësues i “Kema pack”.

Për këtë problem të kahmotshëm të banorëve të kësaj ane, Tv Tema gjatë ditës së sotme provoi të marrë një përgjigjje nga zëdhënësi i KEDS-it, Viktor Buzhala dhe nga drejtori i Distriktit të KEDS-it në Ferizaj Ramadan Ahmeti, por që kontakti me ta ishte i pamundur.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

21 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar