Ferizaj

Kurteshi s’e di kush ia shtoi 121 nënshkrime peticionit të tij

Published

6 years ago

13 October, 2020

Seanca gjyqësore për rastin ndaj ish-drejtorit të Urbanizmit në Ferizaj Faik Grainca, që ka nisur në shkurt të vitit 2018 po shkon drejt fundit.

Në seancën e sotme ka përfunduar mbrojtjen i akuzuari tjetër Arben Kurteshi, i cili akuzohet se është pjesë e falsifikimit të dokumentit zyrtar, konkretisht peticionit të banorëve të rrugës “Astrit Bytyqi” me rastin e hartimit të Planit Zhvillimor Komunal.

Kurteshi edhe sot gjatë pyetjeve të palës së dëmtuar tha se peticionin të cilin ai e ka dorëzuar në komunë përmes së cilit ka kërkuar që rruga “Astrit Bytyqi” të shndërrohet në ndërtim të lartë, ka pasur vetëm 21 nënshkrime dhe jo 142 siç e ka prezantuar Drejtoria e Urbanizmit gjatë gjithë kohës, duke thënë se nuk e di se si peticionit të tij iu shtuan edhe 121 nënshkrime të tjera.

“A keni njohuri se kush ua bashkëngjiti fletat e peticionit tuaj faqen 1,2,3,4,6 dhe 7?”, pyeti Imri Haliti.

” Nuk e di”, u përgjigj Kurteshi.

“Arben, nga shkresat e lëndës rezulton se vazhdimisht edhe
Policia edhe Prokuroria ju ka informuar se peticioni i juaj përmban 142 nënshkrime njëkohësisht edhe në përgjigjen zyrtare të datës 10.08.2017 të nënshkruar si i vetëm nga i akuzuari Faik Grainca rezulton se peticioni i juaj përmban 142 nënshkrime edhe atë në përgjigjen që u ka dhënë palëve të dëmtuara Orhan Ibrahimi, a mund ta shpjegoni ju se pasi jeni informuar për këtë numër të lartë të nënshkrimeve pse nuk e keni kontestuar origjinalitetin e peticonit të juaj?”, pyeti Imri Haliti.

“Unë edhe në Polici deklaratën që e kam dhënë, edhe në Prokuroi edhe tash njëjtë e kam dhënë, më kanë pyetë sa nënshkrime, u kam treguar kaq, kaq, a i kanë shtuar a jo nuk e di, por unë deklaratën në Polici, Prokurori edhe këtu njëjtë e kam dhënë dhe e jap”, tha Kurteshi.

Kurteshit i cili është edhe bashkëpronar i parcelës në rrugën “Astrit Bytyqi” në të cilën është duke u ndërtuar shumëkatëshja për të cilën edhe ka filluar i tërë ky proces, iu parashtruan pyetje nga i dëmtuari Bekim Haliti.

“Arben, a mundesh me tregu për lejen ndërtimore kur e keni marrë fillimisht, a je angazhu ti me marrë këtë leje apo dikush tjetër me siguru lejen për ndërtim të lartë në vitin 2015?”, pyeti Bekim Haliti.

“Unë bashkë me Fatmirin se ai e ka paguar lejen edhe personat e tjerë si Ademi, Kadrushi me duket, por kryesorja në emër tonin është leja, Fatmiri e ka pagu edhe Fahredini“, tha Kurteshi.

“Kush iu siguroj juve që keni me marrë leje, sepse ju keni filluar me i rrënu shtëpitë para se me marrë leje?”, pyeti Haliti.

“Nuk e di, ndoshta ka marrë pëlqimin Fatmiri, nuk e di. Unë e kam bërë kontratën edhe më asgjë s’kam pas punë“, u shpreh Kurteshi.

Meqë disa herë gjatë mbrojtjes i akuzuari Arben Kurteshi është deklaruar se Faruk Lipovica i ka ndihmuar atij që ta përpiloj peticionin, sot pala e dëmtuar kërkoi që të thirret si dëshmitar edhe një herë Faruk Lipovica, por një gjë e tillë u refuzua nga trupi gjykues.

Seanca e radhës gjyqësore do të mbahet më 3 nëntor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

19 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar