Ferizaj

Kryetari i KH ”Kastrioti” i konsideron të pavërteta akuzat ndaj tij

Published

6 years ago

19 October, 2020

Në janar të këtij viti Ahmet Hysenaj, i njohur si Ahmet Petrova, u zgjodh kryetar i klubit të hendbollit “Kastrioti” në Ferizaj. Mirëpo pas 10 muajve, brenda klubit u shfaqën pakënaqësi nga disa persona, të cilët po kërkojnë shkarkimin e tij me arsyetim se nuk janë paguar lojtarët. Një gjë të tillë e mohon Petrova, duke e treguar versionin e tij për këtë akuzë.

“Kur kam ardhë kam dalë para lojtarëve dhe u kam thënë se kam ardhë me qëllim me ju ndihmu juve, me rikthy hendbollin në Ferizaj siç ka qenë. Ua solla trajnerin me nam dhe në shkurt janë stërvitur dhe ua kam dhënë një rrogë, më pas më 13 mars ka mbaruar kampionati dhe ua kam dhënë edhe një rrogë të plotë, mandej kur ia filluan thanë edhe një rrogë, unë iu thash se nuk e di që iu kam mbetur borxh, më thanë që kanë stërvitur në maj, por të gjitha ishin të shkruara në fletore të cilat edhe i shikuam së bashku dhe përfundoi aty”, tha Petrova.

Petrova po dyshon se e gjithë kjo është bërë pasi ka kërkuar që gjithçka të shkoj në bazë të ligjit.

“Mua po më vjen turp me fol, unë kam kërkuar me u kry konform ligjit çdo gjë, ne e kemi bërë një projekt, e kemi bërë se kush me qenë në bord, bile të paktën një femër me qenë në bord, unë s’kam pas me qenë aty fare, por vetëm me iu ndihmu, me të vërtet po më vjen keq sepse me shpifje e me qëllime të tjera me bë kështu është shumë e dëmshme”, theksoi ai.

Kjo situatë e ka prekur Petrovën, i cili thotë se ndjehet i trishtuar nga këto akuza meqë është munduar që të ofroj gjithçka për këtë klub si nga ana profesionale, ashtu edhe nga ajo materiale.

“Më beso po trishtohem kur po dëgjoj duke thënë s’ma ke dhënë rrogën po du me të shkarku, trishtim me të vërtet, qëllimi im ka qenë që ky klub me pas edhe femra edhe meshkuj pasi kështu ka qenë gjithmonë, me u kyç të gjithë njerëzit e hendbollit, kjo është e vërteta, mua më kanë trishtu me të vërtet. Unë iu dëshiroj suksese, më vjen keq kush i ka shty, por gjithsesi unë prap do t’iu ndihmoj me mjete materiale”, u shpreh Petrova.

75 vjeçari Ahmet Petrova ka qenë kryetar i klubit të hendbollit qysh kur ky klub ishte themeluar.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.