Ferizaj

Prokuroria nis hetimet për objektet e ndërtuara pa leje në Ferizaj

Published

6 years ago

26 October, 2020

Disa lëndë që kanë të bëjnë me ndërtime në komunën e Ferizajt janë bërë objekt i hetimeve nga Prokuroria Themelore e Ferizajt, me dyshimin se janë ndërtuar shumëkatëshe pa leje ndërtimore dhe atë me dijeninë e inspektorëve të ndëtimit në këtë komunë.

E, nga hetimet që janë kryer, kryeprokurori i Ferizajt Shukri Jashari ka urdhëruar ngritjen e kallëzimit penal ndaj zyrtarit i cili nuk e ka ekzekutuar vendimin për rrënimin e objekteve pa leje.

“Unë personalisht e kam autorizuar Njësinë e Krimeve Ekonomike për të marrë tërheqjen e dosjeve sa i përket disa objekteve, ndërtimeve që unë kam dyshuar se ka ndërtime pa leje dhe gjatë hetimeve ka rezultuar se disa objekte qysh nga viti 2012 deri në vitin 2017 janë ndërtuar pa leje kështu që kam autorizuar Krimet Ekonomike të cilët kanë tërhequr dosjet dhe në të gjitha dosjet ekziston konkluzioni për rrënimin e etazheve, kështu që pas kryerjes së këtyre hetimeve kam autorizuar që të përpilohet kallëzim penal dhe kallëzimi penal ka ardhur javën e kaluar dhe shumë shpejt do të vendoset sa i përket kësaj çështje. Bëhet fjalë për disa objekte të cilat janë ndërtuar pa leje, në kohën kur janë ndërtuar ato nuk kanë pasur leje dhe për to ka pasur vendim që të ekzekutohen që ka qenë dashtë automatikisht ato me u rrënu, mirëpo zyra për ekzekutimin e vendimeve për rrënim nuk e ka zbatuar atë vendim kështu që jemi detyruar që të përpilojmë kallëzim penal ndaj personit zyrtar“, deklaroi Jashari.

Jashari thekson se për objektet e ndërtuara pa leje do të jap përgjegjësi personi që është marrë me këto punë.

“Praktikisht nuk ka mundësi me u ekzekutu ai vendim për shkak se me ligjin e ri mbi ndërtimin dhe planin zhvillimor hapësinor komuna nuk i ka rrënuar por pret legalizimin e tyre, kështu që nuk ka mundësi të rrënohet kati i tretë e në fakt ai objekt i ka edhe pesë kate të tjera që praktikisht është e pamundur, por që personi përgjegjës që nuk i ka ekzektuar këto vendime ai do të përgjigjet”, tha Jashari.

Kryeprokurori i Prokurorisë Themelore të Ferizajt tha se nuk kanë qenë në dijeni se në komunën e Ferizajt është duke u ndërtuar pa leje sepse, siç tha ai, nuk do ta kishin lënë kaq gjatë këtë çështje.

Gjatë ditës ne provuam të marrim një qëndrim nga ana e inspektorëve të ndërtimit dhe Drejtorisë së Urbanizimit, mirëpo askush nuk u prononcua për këtë çështje.

Ferizaj

Siguria juaj fillon me zgjedhjen e duhur të sigurimit

Published

20 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

20 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.