Ferizaj

15 vjeçarja Olza Sejdiu promovon librin e saj të parë

Published

5 years ago

27 October, 2020

Në sallën e teatrit “Adriana” është bërë promovimi i libri “Mendimet tona na shpëtojnë, mendimet tona na vrasin” , nga autorja 15 vjeçare Olza Sejdiu.

Recensentja e këtij libri Zyrafete Shala, tha se autorja ua ka dedikuar këtë libër moshatarëve të saj, duke u shprehur e gëzuar që të rinjtë po shkruajnë libra.

“Mendoj që mënyra e trajtimit të këtij libri përshtatet për moshën e Olzës dhe përfshin horizontin e njohurive që e kanë adoleshentët e kohës sonë dhe gjuha e Olzës është një gjuhë në nivel që ka tendenca të zgjerohet, ajo nuk ka përdorur figura letrare dhe këtë e shoh si një element pozitiv që është për t’u përshëndetur”, tha Shala.

Redaktorja e këtij libri Zyhrje Vata, tha se ky libër ëshët dhuratë e çmuar për të rinjtë.

“Olza një vajzë e përkushtuar për librin sot po sjell një dhuratë të çmuar për moshatarët e saj, ajo librin ua dedikoj moshatarëve adoleshentë dhe jo vetëm atyre, por edhe ne mësojmë nga libri në fjalë, autorja e re ka dhënë këshilla praktike ku i ka riaktualizuar ndjesitë e moshës duke shqyrtuar problematikat e moshës si përdorimi i tepërt i telefonave, bulzimi, etj”, tha Vata.

Autorja Olza Sejdiu falënderoi të gjithë ata që e kanë përkrahur gjatë këtij rrugëtimi.

“Falënderoj zonjën Zyrije dhe Zyrafete, familjen dhe shoqërinë time që më keni përkrahur, e në veçanti prindërit e mi që janë lider të vërtet dhe modestia, vlerat njerëzore dhe besimi në Zot janë cilësi që unë i kam trashëguar prej tyre, gjë që i falënderoj”, u shpreh Sejdiu.

Libri i adoleshentës ferizajase tashmë gjendet nëpër bibiloteka e librari.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim