Ferizaj

Përurohet objekti i ri i Qendrës së Mjekësisë Familjare në Dardani

Published

6 years ago

10 November, 2020

Në fshatin Dardani të Ferizajt është bërë përurimi i Qendrës së Mjekësisë Familjare në të cilën do të marrin shërbime mjekësore banorët e katër fshatrave të asaj ane si Dardania, Zllatari, Mirosala dhe një pjesë e Sojevës.

Drejtori i Shëndetësisë në Ferizaj Bekim Ademi, tha se përurimi i kësaj qendre është një ngjarje shumë e rëndësishme për banorët e kësaj ane.

“Sot jemi këtu në hapjen e qendrës mjekësore në fashtin Dardani, kjo qendër përfshin mbi 10 mijë banorë, është qendër jashtëzakonisht shumë funksionale e cila përpos mjekut familjar do të ketë edhe staf të mesëm infermierik, do të ketë edhe stomatologun dhe laboratorin ku qytetarët e kësaj pjese më nuk do të kenë nevojë që të vijnë në Ferizaj për të kryer një shërbim mjekësor, por të gjitha do t’i marrin në këtë qendër”, tha Ademi.

Kurse, drejtoresha e Qendrës Kryesore të Mjekësisë Familjare në Ferizaj, Nadire Ymeri, tregoi se rreth funksionimit të kësaj qendre tash e tutje.

“Këtu çdo ditë do të punoj mjeku familjar, çdo ditë do të jetë stomatologu së bashku me infermierë, këtu do të kryhen shërbimet si infuzionet, therrjet intravenoze, do të bëhet bëhet edhe vaksinimi i fëmijëve, por edhe vaksinat që jepen për gripe, do të funksionoj shërbimi antenatal, edhe këtu do të funksionoj shërbimi për vizita nëna dhe fëmijë deri 3 vjet, si dhe shumë shpejtë do të fillojmë edhe me analiza laboratorike”, njoftoi Ymeri.

Për ndërtimin e kësaj qendre falënderues u shprehën përfaqësuesit e fshatit Dardani dhe Zllatar.

“Kjo qendër ka filluar të ndërtohet më 4 gusht të vitit 2017 dhe ka qenë shumë i rëndësishëm ndërtimi i kësaj qendre pasi banorët kanë udhëtuar mbi 17 kilometra për të shkuar në Ferizaj dhe të marrin shërbime, ka qenë pak një zvarritje e ndërtimit, por sot jemi të lumtur që po fillon punën”, tha Xhevat Sallahu, përfaqësues i fshatit Zllatar.

“Kjo qendër ka qenë shumë e nevojshme dhe si nevojë e kahmotshme që ka qenë qysh në mandatin e kaluar kryetari Muharrem Svarqa, unë dhe asamblisti Xhevat Sallahu së bashku kemi kërkuar në vazhdimësi dhe kemi arritur që të futet në rend dite dhe fatmirësisht pati filluar atëherë, por më pas kishte disa probleme me objektin e vjetër, por tani është kryer dhe po lëshohet në punë kjo qendër”, tha përfaqësuesi i fshatit Dardani, Fadil Halili.

Kjo qendër do të jetë e hapur çdo ditë nga ora 8:00 deri në mesditë, ndërsa planifikohet që në të ardhmen të punohet edhe me dy ndërrime.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

22 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar