Ferizaj

Rritet numri i pacientëve me Covid-19 të shtrirë në Spitalin e Ferizajt

Published

6 years ago

10 November, 2020

Rritja e numrit të rasteve me koronavirus në komunën e Ferizajt ka bërë që të rritet edhe numri i pacientëve të shtirë në spitalin e këtij qyteti.

Drejtori i spitalit rajonal të Ferizajt Jeton Zeqiri, tha se në këtë spital janë të shtrirë 42 pacientë, ndërsa si pasojë e rritjes së rasteve, ai njoftoi se sot kanë mbyllur përsëri repartin e Kirurgjisë dhë atë të Ortopedisë për të krijuar vende të lira.

“Situata në regjionin tonë çdo ditë është duke u përkeqësuar, për momentin kemi 42 pacientë të hospitalizuar, prej tyre 2 pacientë janë në gjendje kritike, ndërsa vizita specialistike, apo raste të dyshuara që kanë nevojë për trajtim janë mbi 50, si pasojë e kësaj ne sot kemi mbyllur edhe shërbimin e Kirurgjisë dhe të Ortopedisë për të krijuar vende të lira”, tha Zeqiri.

Zeqiri tha se kapacitetet e këtij spitali janë të kufizuara.

”Situata është gjithmonë në rritje të rasteve, ne jemi duke i parë disa parametra që nuk i kemi paramenduar se do të ketë një rritje kaq të madhe të rasteve pozitive. Ne vazhdimisht kemi apeluar që të respektohen masat duke aluduar në kapacitetet tona pasi në i kemi këto kushte, këto kapacitete“, theksoi Zeqiri.

Dy ditë më parë në komunën e Ferizajt u shënua numër rekord i të infektuarve me koronavirus ku rezultuan 73 persona pozitivë, gjatë ditës së djeshme u regjistruan 50 raste, ndërsa sot nga rezultatet e publikuara nga IKSHPK-ja bëhet e ditur se janë edhe 4 raste të reja pozitive në komunën e Ferizajt duke e çuar në 306 numrin e rasteve aktive në këtë komunë.

Ferizaj

Bëhet i ditur identiteti i viktimave të aksidentit tragjik në Gjermani

Published

17 hours ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

23 hours ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

3 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.