Ferizaj

Nis stolisja e qytetit për festat e fundvitit, qytetarët shprehen kundër

Published

6 years ago

17 November, 2020

Komuna e Ferizajt ka nisur ta stolis sheshin e qytetit me rastin e afrimit të festave të fundvitit.

Edhe pse sivjet këto festa do të festohen në rrethana pandemie, drejtori i Shërbimeve Publike në këtë komunë Arben Halili, thotë se pandemia është edhe një motiv shtesë për ta zbukuruar qytetin, meqë një gjë e tillë, sipas tij, do t’iu ndihmojë qytetarëve ta largojnë stresin e përditshmërisë pandemike.

“Ky vit ka qenë më ndryshe, jeta ka qenë më ndryshe dhe pas analizave që kemi bërë kemi vendosur që të kemi dekorim të qyetit, mund të ketë arsyetime të ndryshme, por nga analizat që kemi bërë kemi arritur në përfundim se qytetarët kanë kaluar në faza të ndryshme edhe në kuptimin psikologjik e njerëzor dhe e kemi parë të arsyeshme që sado pak të sjellim gëzim tek ta”, u shpreh Arben Halili.

Por, ndryshe mendojnë qytetarët. Ata shprehen se në këtë situatë me të cilën po përballet e gjitha bota, mjetet që do të shpenzohen për stolisje të qytetit duhet të orientohen diku tjetër.

“Rregullimi i qytetit është në rregull, por ka gjëra më të nevojshme për t’i shpenzuar, na ka mbetur spitali në gjysmë, e shumë gjëra të tjera, por ata e dinë më mirë“, tha Danush Kadriu.

“Mirë nuk është, por qeveritarët e dinë më mirë, se në kohë pandemie ato të ardhura kanë mundur diku tjetër më i dërgu“, tha një qytetar që nuk pranoi të prezantohet.

Ndërkaq, drejtori Halili thekson se shuma afër 10 mijë euro që është ndarë për të zbukuruar qytetin, është shumë e vogël për ta orientuar tjetër kund.

“Kemi dëgjuar edhe zëra se nuk duhet bërë dekorimi i qytetit në mënyrë që këto mjete të shkojnë për familjet në nevojë, megjithatë shuma të cilën e kemi ndarë këtë vit ka qenë 9 mijë e 942 euro, paramendoni sa familje nevojtare kishim mundur me i rehatu në kuptimin e krizave, do të thotë është e pamundur”, tha Halili.

Komuna e Ferizajt për çdo vit ndanë shumën e njëjtë për ta stolisur qytetin në vlerë rreth 10 mijë euro, e po ashtu edhe mjetet dekorative vendosen gati se të njëjtat vit pas viti.

Ferizaj

Në Ferizaj raportohen katër bankënota të dyshuara nga 500 €

Published

5 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.