Ferizaj

Rregullorja për dhënien e tokës komunale për ndërtim sërish në Kuvend

Published

6 years ago

18 November, 2020

Draft rregullorja për dhënien e tokës së komunës për ndërtim dhe përdorim të bonusit përsëri do të dërgohet në Kuvendin Komunal për miratim, por tani me një emër më ndryshe.

Për këtë dokument që tani quhet rregullore për këmbimin e pasurisë së paluajtshme të komunës përmes ndërtimit dhe përdorimit të bonusit, dha sqarime drejtori i Urbanizmit Lulzim Aliu duke treguar pse e kanë bërë një gjë të tillë.

“Duke e pas parasysh që qëllimi kryesor i krejt kësaj pune është i bazuar te këmbimi i pronës janë bërë këto përmirësime që kemi vërejtur në raport me rregulloren e parë të propozuar para disa muajsh. Në esencë rregullorja nuk ka ndryshime, përveç ndryshimit të termave që kuptohen më lehtë, sepse bazë e kësaj është këmbimi i pronës. Unë e kam dhënë arsyetimin se kjo rregullore qëllim kryesor ka trajtimin e problemeve në qytet që lidhen me ndërtim. Problemi më i madh në Ferizaj është ndërtimi i banesave kolektive të privatizuara, ndërsa oborri i tyre ka mbetur i komunës. Edhe në diskutime publike ka qenë që oborri me dalë në emër të banorëve që janë pronarë të banesave kolektive, kështu që për me zgjidhë këtë problem e kemi propozuar këtë rregullore“, tha Lulzim Aliu.

Opozita kundërshtoi që ky propozim të diskutohet në seancën e ardhshme të Kuvendit.

“Propozoj që kjo pikë të hiqet si pikë e rendit të ditës, pasi në këtë seancë i kemi diku 17 pika edhe këto propozime po bëhen më shumë se 20, nuk është mirë që kjo rregullore të shqyrtohet në këtë seancë pasi i kemi edhe 2 rregullore të tjera”, tha Imri Hashani nga LDK-ja.

Një propozim tjetër që iu procedua Asamblesë Komunale është edhe ai i Drejtorisë së Financave i cili parasheh që mjetet e disa projekteve kapitale t’iu transferohen projekteve të tjera.

“Ne kemi propozuar që në disa projekte kapitale ku kemi mbetje të mjeteve që nuk mund të shpenzohen këtë vit për shkak të natyrës së punës, kërkojmë nga ju që këto mjete t’i transferojmë në projektet ku kemi mungesë të mjeteve”, tha Sebahati Ajeti-Sadiku.

“Kjo pikë është e pakuptimtë, unë nuk kam mundur ta kuptoj, nuk e dimë a do të kemi rishikim të buxhetit, ridestinim apo transferim, ne nuk mundemi me pas transferim më shumë se 5%, por këtu siç po shihet po del më shumë se 13%”, u shpreh Imri Hashani.

Seanca e Kuvendit Komunal të Ferizajt është caktuar për datën 23 nëntor.

Ferizaj

Siguria juaj fillon me zgjedhjen e duhur të sigurimit

Published

6 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

6 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.