Ferizaj

Ferizaj mobilizohet për ta ndihmuar Valentina Ibrahimin

Published

6 years ago

19 November, 2020

Ferizaj edhe një herë po dëshmon se është qytet solidar. Pas njoftimit se një vajzë e re nga ky qytet ka nevojë për ndihmë financiare për t’u shëruar në Turqi, filloi mobilizim i madh në të gjithë qytetin.

Këngëtari ferizajas Labinot Tahiri nga iniciativa që mori për t’i dalë në ndihmë Valentina Ibrahimit, vetëm gjatë ditës së djeshme grumbulloi 28 mijë euro.

Aksionit për ta ndihmuar 24 vjeçaren iu bashkuan edhe vullnetarët e Sektorit të Rinisë në Ferizaj. Ata kanë vendosur që përmes shitjes së librave të grumbullojnë para për shërimin e Valentinës.

“I kemi kontaktuar të gjithë autorët e qytetit tonë, vullentarët, qytetarët që kanë pasur libra, të cilët edhe i kanë sjellur këtu, interesimi ka qenë mjaft i madh, vetëm dje afërsisht i kemi mbledhur 1500 euro”, tha Eris Berisha nga Sektori i Rinisë në Ferizaj.

Para për Valentinën janë duke u mbledhur edhe përmes shitjes së pikturave. Është piktorja Pranvera Sylejmani ajo e cila është duke shitur piktura online për ta ndihmuar Valentinën.

“Duke parë që është bërë aksion për shitjen e librave vendosa që edhe unë me piktura me fillu. Piktura ime u ble nga një bashkëatdhetar dhe tani nuk jam unë, por janë shumë artistë, jo vetëm nga Kosova, por edhe nga rajoni. Ka shumë të interesuar dhe në vazhdimësi jam duke i publikuar pikturat që po më dërgohen“, tha Pravera Sylejmani.

Për 24 vjeçaren e diagnostikuar me leukemi aktue janë moblizuar edhe gastronomët e këtij qyteti, të cilët kanë vendosur arka të bamirësisë për Valentinën.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

5 hours ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

5 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

5 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.