Ferizaj

Punëtorët e kompanisë ”Pastërtia” sërish bojkotojnë punën

Published

6 years ago

19 November, 2020

Punëtorët e kompanisë për mbeturina “Pastërtia” që punojnë në terren, bojkotuan sot punën për shkak se dy kolegë të tyre u larguan përkohësisht nga puna.

Shoferi i kësaj kompanie Agim Krasniqi dhe depoisti Halim Abazi, fajësuan kryeshefin e kësaj kompanie Dugagjin Hetemin, se i ka suspenduar nga puna vetëm pse i kanë kërkuar të drejtat e tyre.

“M’ka qit në rrugë dhe jam detyru me paketë me lyp pare. Dugagjin Hetemi m’ka qit prej punës veç pse e kemi lyp rrogën me na e rrit, stazhin edhe kushtet. Një ditë jemi marrë vesh me bordin, po drejtori s’e ka ngu as bordin, as askënd dhe na ka largu prej punës. Jemi marrë vesh ma herët me punu e në mars me na e hyp rrogën, e na kena dalë kena punu po drejtori s’e ka prit marsin, ne po e presim marsin por ai jo, na ka largu prej punës”, tha Agim Krasniqi.

“Dugagjin Hetemi e ka shkatërru kompaninë, ka punëtorë që 2 muaj ditë nuk kanë dorëza, në këtë kohë pandemie me shku me ngarku bërllok pa dorëza, ka dalë shoferi me automjet pa frena, pa drita. Jemi marrë vesh në javën e kaluar që deri në mars ta vazhdojmë punën, kemi bërë kërkesë për rritje të rrogës, stazhin dhe pagesën shtesë për punën jashtë orarit, ai s’e ka prit marsin na ka suspendu. Unë personalisht nuk jam çu për rrogë, por jam çu me mbrojt nderin e punëtorëve, me të ardhë punëtori me të lyp dorëza edhe mos me i pas, nuk ka ma vështirë“, tha Abazi.

Lidhur me këto akuza drejtori i kompanisë ”Pastërtia” nuk ishte i gatshëm të deklarohet, ndërkaq drejtori i Shërbimeve Publike Arben Halili, thotë se arsyeja e suspendimit të tyre është se e kanë shkelur ligjin e grevës.

“Punëtorët e “Pastërtisë” dy ditë kanë pasur grevë duke mos dalë në terren dhe arsyetimi i tyre është 3 kërkesa që ua kanë dërguar bordit, ato kërkesa janë shqyrtuar bashkërisht edhe me komunën dhe jemi marrë vesh që dy kërkesat e tyre të fillojnë të zbatohen menjëherë, ndërsa rritja e pagave të shqyrtohet në muajin mars për shkak të gjendjes që po kalojmë. Unë garanatoj që asnjë nga punëtorët nuk është pa marrë paga, por siç duket aty ka probleme të caktuara ndaj individëve të caktuar që nuk i kuptojnë ligjet e grevës, sepse punëtorët nuk kanë të drejtë ta bojkotojnë punën në tërësi. Ligji për greva thotë se një orë brenda ditës mund të protestojnë sepse janë shërbime të ndjeshme, andaj konfom këtyre çështjeve menaxhmenti ndoshta ka marrë masa të tilla që për sot nuk jam i njoftuar se çka ka ndodhë”, tha Halili.

Kohëve të fundit janë shtuar pakënaqësitë në kompaninë regjionale të mbeturinave ”Pastërtia”, nga grevat që po mbajnë herë pas here punëtorët e kësaj kompanie Ferizaj po mbulohet nga mbeturinat.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

9 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar