Ferizaj

Arrestohen dy femra në Ferizaj, shantazhuan një mashkull duke ia kërkuar 30 mijë euro

Published

5 years ago

07 December, 2020

Policia e Ferizajt ka arrestuar dy femra njëra e moshës 36 vjeçare ndërsa tjetra 33 vjeçare, nën dyshimin se kanë shantazhuar personin me inicialet I.V të moshës 43 vjeçare. Siç thuhet në komunikatën e Policisë, S.K dhe SH.K e kanë shantazhuar personin mashkull I.V duke ia kërkuar 30 mijë euro për ta tërhequr një padi ndaj vëllait të tij për një rast të mëhershëm. Dy shantazhueset janë kapur në flagrancë derisa kishin shkuar për të marrë shumën e kërkuar. Të dyshuarës S.K i është caktuar masa e paraburgimit prej 48 orësh, derisa SH.K është lëshuar me procedurë të rregullt.

“Për disa ditë rresht, dy të dyshuarat në mënyrë sistematike e kishin shantazhuar viktimën duke i kërkuar një shumë parash prej 30.000 Euro për të tërhequr padinë ndaj vëllaut të viktimës për një rast të mëhershëm i cili gjendet në paraburgim”, theksohet në njoftimin e Policisë.

Ferizaj

Në Ferizaj arrestohen dy të dyshuar për trafikim të kokainës

Published

5 days ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

5 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

1 week ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.