Botë

Eliot Engel: Reciprociteti i Kosovës, mekanizëm i një shteti sovran

Published

5 years ago

09 December, 2020

Komiteti për Politikë të Jashtme i Dhomës së Përfqësuesve të Kongresit Amerikan mbajti dje një sesion dëgjimor, ku personalitete të ndryshme nga politika e jashtme amerikane dhe njohës të mirë të Ballkanit, prezentuan rekomandimet e tyre drejtuar administratës së Biden-it për politikat e reja ndaj Ballkanit Perendimor.

Në ekspozenë e tij hyrëse, kongresmeni Elliot Engel, nga distrikti i 16-të i New Yorkut, në sesionin e tij lamtumirës si kongresmen dhe kryesues i këtij komiteti, ndër të tjera tha se qasja amerikane ndaj Kosovës duhet të përmirësohet, dhe Kosova të trajtohet si partner i plotë:

Eliot Engel:

“ Tash duket se Serbia, pala përgjegjëse për shumicën e krimeve të luftës, gati se nuk ballafaqohet me asfarë presioni nga brenda, ose nga bashkësia ndërkombëtare që t’i sjellë para drejtësisë kryesit e veprave, ndërsa në të njejtët kohë, Kosova si viktimë e luftës, është e detyruar që të krijojë një gjyq hybrid, me prokurorë dhe gjykatës ndërkombëtarë.

Miq, po të ishim edhe në Danimarkë, do të mendonim se diçka po kundërmon këtu.

Siç e thashë, nëse Kosovarët kanë bërë krime, ata duhet të japin llogari. Por këtu qëndron problemi: E kam lexuar statutin në bazë të të cilit është krijuar kjo gjykatë. Askund nuk shkruan aty se do të ndjeket vetëm një përkatësi etnike. Por kjo pikërisht po ndodh. E di se mandatit tim në kongres po i vie fundi, por problemet me këtë gjyq po vazhdojnë. Por do ta paralajmëroja këtë gjykatë, SHBA-të dhe aleatët, se nuk duhet të lejojmë që ajo të shndërrohet në gjykatë etnike, sepse në të kundërtën ne vetëm do t’i zvarrisim problemet, do të shkaktojmë vështirësi në rajon, konflikte dhe ndarësi në rend të parë.

Lexojeni ligjin: Gjykata ka juridiksion mbi të GJITHA krimet e kryera në Kosovë, pa marrë parasysh se cila palë i ka bërë. Të gjitha krimet e luftës gjatë periudhës se luftës, dhe mandatin e saj duhet ta kryejë me korrektësi, pa anuar në baza etnike.

Kjo gjykatë është pjesë e një problemi më të madh, për atë se si SHBA-të i janë qasur Kosovës. Ne po e shohim Kosovën vetëm si një shtet pjesërisht të pavarur, por jo si një partner të vërtetë e sovran. Jo si shtet të rregullt me të cilin kemi raporte normale bilaterale. Shumë shpesh, i qasemi Kosovës si një fjalë për dialog me Serbinë. Ne po i nënshtrojmë lidhjet tona bilaterale në atë masë, saqë ne, SHBA-të, po ia kufizojmë Kosovës vendimet sovrane të saj për ta anashkaluar Beogradin sulmues.

Ne i thamë Kosovës se ajo nuk mund ta bazojë tregtinë e saj me Serbinë në parimet e reciprocitetit, njërin nga gurët themeltarë të së drejtës në tregtinë ndërkombëtare.

Për fat të keq, jo shumë moti, veprimet e administratës së Trumpit u bënë një faktor kontribues për rënien e qeverisë së Kosovës. Poashtu u janë vënë frenat edhe ushtrisë së vogël mbrojtëse të Kosovës.

Këto gjëra duhet të ndalen dhe shpresoj se administrata e presidentit të zgjedhur Biden do të rindërtojë raportet tona me Kosovën në bazë të kushteve të saj, e jo bazuar në frikën joracionale që e emiton fqinji i saj më i madh.” – deklaroi në fjalën e tij hyrëse kryesuesi Eliot Engel.

Botë

Ish-presidenti francez Sarkozy nis dënimin me burgim

Published

2 days ago

21 October, 2025

Redaksia

Nicolas Sarkozy është kthyer në ish-presidentin e parë të Francës që përfundon në burg.

Dënimi i tij me burgim pesëvjeçar ka nisur të martën, pasi është shpallur fajtor se ka komplotuar për të financuar fushatën e tij zgjedhore me paratë e ish-diktatorit të Libisë, Muammar Gaddafi.

Hera e fundit që i ka ndodhur diçka e ngjashme Francës ka qenë viti 1945, kur ishte burgosur lideri kolaboracionist nazist Philippe Petain me akuzat për tradhti gjatë Luftës së Dytë Botërore.

Sarkozy, i cili ka qenë president në periudhën 2007-2012, do të qëndrojë në burgun La Sante në një qeli prej 9 metrash katrorë.

Më shumë se 100 persona janë parë duke qëndruar para burgut, pasi djali i tij, Louis, 28-vjeçar, u ka bërë thirrje mbështetësve që të tregojnë përkrahje.

Sarkozy është deklaruar vazhdimisht i pafajshëm për akuzat që rëndojnë mbi të.

Ndonëse ai ka thënë se nuk dëshiron trajtim special në burgun La Sante, autoritetet e kanë ndarë atë në një qeli të veçantë për çështje të sigurisë.

Brenda qelisë, ish-presidenti do të ketë banjon, zonën për dush dhe një televizor të vogël. Përgjatë ditës, atij do t’i lejohen ushtrime brenda një ore në ambiente të jashtme.

“Nuk jam i frikësuar nga burgjet. Do ta mbaj kokën lart edhe në ambientet e burgut”, ka thënë ai në hyrje të ndërtesës së burgut.

Mes tjerash, ai ka thënë se do t’i marrë me vete dy libra, njërën për jetën e Krishtit dhe tjetrën për Kontin e Monte Kristos, e cila ka të bëjë me jetën e një burri të burgosur gabimisht, i cili arratiset për t’u hakmarrë ndaj prokurorëve të tij.

| Radio Evropa e Lirë

Botë

Sanae Takaichi, gruaja e parë kryeministre në Japoni

Published

2 days ago

21 October, 2025

Redaksia

Konservatorja e linjës së ashpër, Sanae Takaichi është zgjedhur gruaja e parë kryeministre e Japonisë, e cila pritet ta drejtojë shtetin kah e djathta.

Ish-ndihmëse e kryeministrit Shinzo Abe dhe admiruese e ish-kryeministres britanike, Margaret Thatcher, Takaichi i ka siguruar 237 vota në Dhomën e Ulët të Parlamentit, nga 465 sa janë gjithsej.

Fitorja e saj shënon një moment të rëndësishëm për vendin në të cilin kanë udhëhequr gjithmonë burrat.

Ajo pritet të ketë qasje më të ashpër në temat sikurse imigrimi dhe çështjet sociale.

Japonia është duke u përballur me rritje të çmimeve, situatë që e ka rritur zemërimin publik dhe e ka rritur mbështetjen për grupet e së djathtës.

Ndonëse ka fituar mjaftueshëm vota për pozitën e kryeministres, asaj do t’i duhet mbështetje më e madhe e partive opozitare për të udhëhequr në mënyrë efektive.

Takaichi pritet ta bëjë betimin në mbrëmjen e së martës.

Emërimi i saj ka ardhur pasi kryeministri në shkuarje Shigeru Ishiba ka dhënë dorëheqje një muaj më parë, duke e marrë përgjegjësinë për humbjen e partisë së tij në zgjedhje.

| Radio Evropa e Lirë

Botë

Politikania nga Venezuela, Maria Corina Machado, fiton Nobelin për Paqe

Published

2 weeks ago

10 October, 2025

Redaksia

Politikania Maria Corina Machado është shpërblyer me Çmimin Nobel për Paqe për vitin 2025, ka bërë të ditur Komiteti Norvegjez i Nobelit.

Komiteti ka thënë se ajo është përzgjedhur për punën e saj të palodhshme në promovimin e të drejtave demokratike për popullin e Venezuelës dhe për përpjekjet e saj për tranzicion paqësor nga diktatura në demokraci.

“Kur autoritarët e marrin pushtetin, është jetike që të njihen mbrojtësit guximtarë të lirisë, të cilët ngrihen dhe rezistojnë”, është thënë në deklaratën e Komitetit.

Çmimi Nobel për Paqe, në vlerë të rreth 1.2 milion dollarëve, do të ndahet edhe zyrtarisht në një ceremoni të organizuar në Oslo më 10 dhjetor.

Ceremonia mbahet gjithmonë në datën e njëjtë, për të shënuar edhe përvjetorin e vdekjes së industrialistit suedez, Alfred Nobel, me dëshirën e tij të cilit janë krijuar çmimet më 1895.

| Radio Evropa e Lirë