Botë

Eliot Engel: Reciprociteti i Kosovës, mekanizëm i një shteti sovran

Published

5 years ago

09 December, 2020

Komiteti për Politikë të Jashtme i Dhomës së Përfqësuesve të Kongresit Amerikan mbajti dje një sesion dëgjimor, ku personalitete të ndryshme nga politika e jashtme amerikane dhe njohës të mirë të Ballkanit, prezentuan rekomandimet e tyre drejtuar administratës së Biden-it për politikat e reja ndaj Ballkanit Perendimor.

Në ekspozenë e tij hyrëse, kongresmeni Elliot Engel, nga distrikti i 16-të i New Yorkut, në sesionin e tij lamtumirës si kongresmen dhe kryesues i këtij komiteti, ndër të tjera tha se qasja amerikane ndaj Kosovës duhet të përmirësohet, dhe Kosova të trajtohet si partner i plotë:

Eliot Engel:

“ Tash duket se Serbia, pala përgjegjëse për shumicën e krimeve të luftës, gati se nuk ballafaqohet me asfarë presioni nga brenda, ose nga bashkësia ndërkombëtare që t’i sjellë para drejtësisë kryesit e veprave, ndërsa në të njejtët kohë, Kosova si viktimë e luftës, është e detyruar që të krijojë një gjyq hybrid, me prokurorë dhe gjykatës ndërkombëtarë.

Miq, po të ishim edhe në Danimarkë, do të mendonim se diçka po kundërmon këtu.

Siç e thashë, nëse Kosovarët kanë bërë krime, ata duhet të japin llogari. Por këtu qëndron problemi: E kam lexuar statutin në bazë të të cilit është krijuar kjo gjykatë. Askund nuk shkruan aty se do të ndjeket vetëm një përkatësi etnike. Por kjo pikërisht po ndodh. E di se mandatit tim në kongres po i vie fundi, por problemet me këtë gjyq po vazhdojnë. Por do ta paralajmëroja këtë gjykatë, SHBA-të dhe aleatët, se nuk duhet të lejojmë që ajo të shndërrohet në gjykatë etnike, sepse në të kundërtën ne vetëm do t’i zvarrisim problemet, do të shkaktojmë vështirësi në rajon, konflikte dhe ndarësi në rend të parë.

Lexojeni ligjin: Gjykata ka juridiksion mbi të GJITHA krimet e kryera në Kosovë, pa marrë parasysh se cila palë i ka bërë. Të gjitha krimet e luftës gjatë periudhës se luftës, dhe mandatin e saj duhet ta kryejë me korrektësi, pa anuar në baza etnike.

Kjo gjykatë është pjesë e një problemi më të madh, për atë se si SHBA-të i janë qasur Kosovës. Ne po e shohim Kosovën vetëm si një shtet pjesërisht të pavarur, por jo si një partner të vërtetë e sovran. Jo si shtet të rregullt me të cilin kemi raporte normale bilaterale. Shumë shpesh, i qasemi Kosovës si një fjalë për dialog me Serbinë. Ne po i nënshtrojmë lidhjet tona bilaterale në atë masë, saqë ne, SHBA-të, po ia kufizojmë Kosovës vendimet sovrane të saj për ta anashkaluar Beogradin sulmues.

Ne i thamë Kosovës se ajo nuk mund ta bazojë tregtinë e saj me Serbinë në parimet e reciprocitetit, njërin nga gurët themeltarë të së drejtës në tregtinë ndërkombëtare.

Për fat të keq, jo shumë moti, veprimet e administratës së Trumpit u bënë një faktor kontribues për rënien e qeverisë së Kosovës. Poashtu u janë vënë frenat edhe ushtrisë së vogël mbrojtëse të Kosovës.

Këto gjëra duhet të ndalen dhe shpresoj se administrata e presidentit të zgjedhur Biden do të rindërtojë raportet tona me Kosovën në bazë të kushteve të saj, e jo bazuar në frikën joracionale që e emiton fqinji i saj më i madh.” – deklaroi në fjalën e tij hyrëse kryesuesi Eliot Engel.

Botë

Trump thotë se ka “mundësi serioze” për ujdi me Iranin, pasi i pezulloi sulmet ndaj caqeve energjetike

Published

6 days ago

23 March, 2026

Redaksia

Presidenti i Shteteve të Bashkuara, Donald Trump, ka thënë të hënën se ka “mundësi shumë serioze” për të arritur marrëveshje me Teheranin, pasi tregoi se SHBA-ja dhe Irani zhvilluan bisedime gjatë fundjavës, gjë që e shtyu atë t’i pezullojë sulmet ndaj infrastrukturës energjetike iraniane për pesë ditë.

Duke folur për gazetarët para se të hipte në avionin Air Force One më 23 mars, Trump tha se i dërguari special, Steve Witkoff, dhe dhëndri i tij, Jared Kushner, janë përfshirë në bisedimet e nisura nga Irani.

Ai tha se bisedimet po zhvillohen me një lider “të lartë” iranian – por jo me udhëheqësin suprem Mojtaba Khamenei – dhe se në to janë arritur “pika të rëndësishme të marrëveshjes”.

Zyrtarët dhe mediat shtetërore të lidhura me Iranin e kanë mohuar menjëherë se po zhvillohen bisedime të tilla.

Agjencitë e lajmeve Tasnim dhe Fars, të dyja të afërta me Korpusin e Gardës Revolucionare Islamike (IRGC), cituan burime që thanë se “nuk po zhvillohen bisedime”, as drejtpërdrejt dhe as tërthorazi, midis Teheranit dhe Uashingtonit.

Ndërkohë, Omani po “punon shumë për të vendosur masa të sigurta kalimi për Ngushticën e Hormuzit”, tha ministri i Jashtëm i vendit, Badr al-Busaidi, në rrjetet sociale pak para se Trump të deklaronte se Shtetet e Bashkuara kishin zhvilluar “bisedime frytdhënëse” për t’i dhënë fund luftës.

“Bazuar në tonin dhe përmbajtjen e këtyre bisedimeve të thella, të detajuara dhe frytdhënëse, të cilat do të vazhdojnë gjatë gjithë javës, kam udhëzuar Departamentin e Luftës që ta shtyjë çdo sulm ushtarak ndaj centraleve dhe infrastrukturës energjetike iraniane për një periudhë pesëditore,” tha Trump në një postim në rrjetet sociale më 23 mars, duke shtuar se pezullimi varet nga suksesi i bisedimeve.

Nuk ka pasur njoftime paraprake se po zhvilloheshin bisedime midis Uashingtonit dhe Teheranit.

Ndërkohë, Izraeli – i cili tha menjëherë pas njoftimit të Trumpit se po kryente sulme ajrore në Iranin qendror – nuk ka komentuar publikisht.

“Ne kemi eliminuar fazën e parë të udhëheqjes, fazën e dytë dhe në masë të madhe fazën e tretë. Por, po merremi me njeriun që unë besoj se është më i respektuari dhe lideri”, tha Trump për gazetarët.

“Ne nuk duam pasurim [të uraniumit], por gjithashtu duam uranium të pasuruar”, shtoi ai.

Afati për Ngushticën e Hormuzit

Të shtunën, Trump e kishte paralajmëruar Iranin se centralet e tij elektrike do të shkatërroheshin nëse Teherani nuk do ta “hapte plotësisht” Ngushticën e Hormuzit për të gjithë transportin detar brenda 48 orësh.

Trump e caktoi afatin deri të hënën rreth mesnatës.

Paralajmërimi i tij nxiti kërcënime për kundërpërgjigje nga Garda Revolucionare e Iranit, e cila në një deklaratë të hënën tha se do t’i sulmonte centralet elektrike të Izraelit dhe ato që i furnizojnë bazat amerikane në rajonin e Gjirit, nëse Trump do ta zbatonte kërcënimin e tij për ta “shkatërruar plotësisht” rrjetin energjetik të Iranit.

Ndërsa, Mohammad Baqer Qalibaf, kryetar i Parlamentit iranian, paralajmëroi se “menjëherë pas shënjestrimit të centraleve elektrike dhe infrastrukturës në vendin tonë, infrastruktura jetike, si dhe infrastruktura energjetike dhe e naftës në të gjithë rajonin, do të konsiderohen objektiva legjitime dhe do të shkatërrohen në mënyrë përherë”.

Më shumë se 3.000 njerëz janë vrarë në luftën që SHBA-ja dhe Izraeli e nisën më 28 shkurt, sipas grupit iranian për të drejtat e njeriut, HRANA.

Lufta ka tronditur tregjet, ka rritur kostot e karburantit, ka nxitur frikë për inflacion global dhe ka lëkundur aleancën perëndimore të pasluftës.

Kërcënimi për sulme ndaj rrjeteve elektrike në Gjirin Persik ka rritur frikën për ndërprerje të mëdha në procesin e shkripëzimit të ujit për pije dhe ka trazuar edhe më shumë tregjet e naftës.

| Radio Evropa e Lirë

Botë

Izraeli thotë se ka vrarë zyrtarë të lartë të inteligjencës iraniane

Published

4 weeks ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë