Connect with us

Botë

“The Martian” po bëhet realitet

Published

on

       Kompania amerikane SpaceX dje e kreu me sukses testin e parë të fluturimit në lartësi të prototipit me numër serik 8 (SN-8) të anijes hapësinore Starship, e cila gjatë fluturimit prej 6’42” arriti lartësinë prej 12.5 kilometrash, duke e kryer edhe manovrimin kritik të quajtur “Rrotullim i belit”(Belly Flop), për tu shpërbërë gjatë aterrimit në pikën e planifikuar, si pasojë e presionit të ulët në bombolën furnizuese të derivatit.    

Prototipi i çeliktë SN-8 u ngrit në lartësinë prej 12.5km. (Burimi:SpaceX)

    Testi mbrëmshëm i prototipit të anijes 50 metërshe të ndërtuar nga çeliku special, e të pajisur me tre super-motorët Raptor, paraqet një hap të madh për zhvillimin e mëtutjeshëm të programit hapësinor të SpaceX drejt kolonizimit të planetit Mars. Themeluesi i kësaj kompanie, inovatori Elon Musk pas këtij testi, në Twitter lansoi cicërimën me plot optimizëm “Mars, ne po vijmë”.

   Funksionalizimi i plotë i anijes hapësinore  “STARSHIP”, me shkallën e parë të raketës ngritëse Superheavy do të shënojë ndërtimin e mjetit fluturues më të fuqishëm në botë, me mundësi të ngritjes rekorde të peshës prej 100  tonelatash në orbitën e ulët të tokës.

Manovra kritike “Belly Flop” e SN-8 gjatë rënies së lirë para rrotullimit për aterrim (Burimi:SpaceX)

  Në ndërkohë “SPACEX”, krahas misioneve të rregullta me raketën Falcon-9,  është duke punuar paralelisht në ndërtimin e 8 prototipeve të tjera të “STARSHIP”, të cilat do të shërbejnë si bazë për ndërtimin e anijeve për fluturime orbitale, anijeve tanker, dhe anijeve për udhëtime ndërplanetare me ekuipazh.  

Fluturimin e plotë të SN-8 mund ta shihni në këtë link në Youtube.com:

Continue Reading
Click to comment

Leave a Reply

Your email address will not be published. Required fields are marked *

Botë

Bitcoin me rekord historik – kalon vlerën mbi 71 mijë dollarë

Published

on

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Continue Reading

Botë

Bosnje-Hercegovina goditet prej një tërmeti rreth 4-shkallësh

Published

on

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Continue Reading

Botë

Katër të vdekur nga zjarri në Tivar të Malit të Zi

Published

on

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/

Continue Reading

Trending