Ferizaj
Prokuroria ndalon pronarin dhe bageristin e “B – Bardhi” sh.p.k.
Kryeprokurori i Prokurorisë themelore në Ferizaj, Shukri Jashari, bëri të ditur se ka dhënë urdhër për ndalimin e pronarit të kompanisë “B-Bardhi” SH.P.K, dhe të një ngasësi të eskavatorit të punësuar në këtë kompani. Kjo masë vjen pas aksidentit të djeshëm në punishten e projektit komunal ”Bashkimi i Qytetit” në Ferizaj, me ç’rast punëtori N.V(50) nga fshati Doganaj i Kaçanikut kishte humbur jetën.
Kryeprokurori Jashari prapa kamerës tha se kompania në fjalë nuk kishte respektuar urdhërin e inspektoratit komunal me nr. 161-1/20 të datës 7 Dhjetor 2020, për ndalesën e përkohshme të punimeve gjersa të bëhet vlerësimi i rrezikshmërisë së rrëshqitjeve nga dheu në pjesën e rrugës “Vëllezërit Gërvalla”, dhe ka vazhduar me punime deri në momentin e aksidentit. Sipas tij, hetimet janë duke u bërë në disa rrafshe për të ndriçuar rrethanat e ndodhjes së këtij aksidenti, dhe eventualisht përgjegjësinë penale të personave të ndaluar.
Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.
Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.
“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.
Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.
Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.
Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .
Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.
-
Ferizaj6 days agoVritet një grua dhe plagoset një burrë në Qendrën për Punë Sociale në Ferizaj
-
Ferizaj6 days agoVrasja në Ferizaj – I arrestuari është ish-bashkëshorti i viktimës
-
Ferizaj11 hours agoNë Ferizaj arrestohen tre persona për posedim të narkotikëve
-
Ferizaj6 days agoI dyshuari për vrasjen dhe plagosjen në Ferizaj dërgohet në mbajtje për 48 orë
-
Ferizaj3 days agoArrestohet një person i kërkuar në Ferizaj
-
Kosovë6 days agoAktakuzë ndaj 16 personave për ryshfet, mashtrim e keqpërdorim detyre në rastin “Subvencionet 6”
-
Kosovë2 days agoGruaja e vrarë sot në Pejë, punonte si asistente stomatologjike
-
Kosovë2 days agoPolicia shpall në kërkim xhudistin kosovar Akil Gjakova
-
Kosovë1 day agoVon Cramon i kërkon Serbisë lirimin e menjëhershëm të udhëtarëve nga Kosova
-
Kosovë1 day agoLirohen disa nga kosovarët e ndaluar në kufirin Serbi-Kroaci
-
Kosovë1 day ago
MPJ : Qytetarët të shmangin “me çdo kusht” kalimin nëpër Serbi
-
Kosovë2 days agoPresidentja Osmani e shpallë të mërkurën ditë zie shtetërore
-
Kosovë1 day agoKryeministri Kurti akuzoi Serbinë për shkelje të rëndë të të drejtave të njeriut
-
Kosovë1 day agoLirohet Fahri Fazliu – EULEX ia konfiskon telefonin