Ferizaj

Gazetari Avni Shabani kujtohet si njeri me virtyte të larta njerëzore

Published

5 years ago

16 December, 2020

Në moshën 65 vjeçare ka ndërruar jetë gazetari i njohur i sportit, Avni Shabani.

Ai ishte gazetar shumëvjeçar i gazetës “Rilindja” dhe Radio Kosovës. Shabani i cili u pensionua dy muaj më parë, kishte udhëhequr edhe Drejtorinë e Kulturës, Rinisë dhe Sportit në Ferizaj.

Kolegët e tij e kujtojnë Avni Shabanin si njeri me virtyte të larta e shumë profesionist.

Gazetari Driton Ramadani tha se Avni Shabani ishte udhërrëfyes për shumë gjenerata, e veçanërisht për dashamirët e sportit.

“Kjo kohë pandemie pothuajse çdo mëngjes po na sjell lajme të trishta, i tillë ishte edhe lajmi mbrëmë kur kuptuam se kolegu ynë Avni Shabani ka ndërruar jetë. Është vështirë të flasësh për ish-kolegët që tani më nuk janë në jetë, Avniun gjithmonë do ta kujtojmë si një njeri i cili me virtyte ka dhënë propozime të mëdha apo duke nxitur të rinjtë që ta ringjallin jetën sportive e kulturore. Kohët e fundit Avniu në RTK kishte filluar një edicion të vetin të titulluar ”Gjeneratat e Arta” ku të ftuar shumicën i kishte nga qyteti i Ferizajt ku tregon se ka qenë i lidhur me qytetin e tij, prandaj ai do të jetë një mungesë jashtëzakonisht shumë e madhe jo vetëm për ne si kolegë, por për të gjithë adhuruesit e sportit”, tha Ramadani.

Avni Shabani dha kontribut edhe në avancimin e sportit ferizajas.

“Avni Shabanin e njoh që nga vitet e 70-ta atëherë kur kam filluar të merrem me futboll. Lajmi na ka goditur sepse nuk e kemi pritur që tani të ikë nga kjo botë. Dua ta ndajë një situatë që kishte të bënte me të kur e ka bërë një notim të lojës kur unë kam luajtur futboll dhe me debutimin tim të parë jam notuar nga ai me notën 8-të dhe me atë notim unë për dy muaj kam qenë në të gjitha gazetat ish-jugosllave si 11-shi më i mirë i përbërjes së Kosovës. I ndjeri kishte shumë plane për avancimin e gjeneratave dhe adhuruesve të sportit kështu që së pari është humbje për familjen e tij dhe më pas për të gjithë dashamirët e sportit”, tha Qerim Shaqiri, sportist.

Ish-gazetari i sportit i cili dy javë më parë ishte diagnostikuar me virusin COVID-19, u varros sot në vendlindjen e tij në fshatin Sazli.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim