Ferizaj

Bytyqi e konsideron normale mungesën e ujit në rrugën ”Vëllezërit Gërvalla”

Published

5 years ago

24 December, 2020

Banorët e rrugës “Vëllezërit Gërvalla” në Ferizaj, saktësisht në vendin ku janë duke u zhvilluar punimet në projektin “Bashkimi i Qytetit”, ka disa ditë që janë duke u përballur me mungesë të ujit, për shkak të dëmtimeve që kanë ndodhur në gypin e ujit nga kompania që është duke i kryer punimet në këtë projekt.

“Që tri herë radhazi nuk kemi ujë, një herë nuk kemi pas 48 orë, njëjtë edhe ditën tjetër kur ndodhi aksidenti këtu që humbi jetën punëtori, ndërsa edhe tani prej dje deri tani nuk kemi, besoni që kam mbetur edhe në dush, kam hy me u pastru dhe kam mbet, është e patolerueshme me të vërtetë”, tha Fatime Zymberi, banore.

Drejtori i Infrastrukturës Arbër Bytyqi, thotë se probleme të tilla janë normale në krahasim me projektin madhor që është duke u realizuar.

“Këto janë normale në projekte të tilla, normalisht që gjatë punimeve kemi probleme të natyrës së tillë, aty është duke u zhvilluar projekti më i rëndësishëm i qytetit të Ferizajt dhe normalisht paraqiten telashe të tilla, aty kompania ka dëmtuar gypin e furnizmit me ujë të pijshëm dhe kjo ka qenë arsyeja që s’ka pasur ujë të pijshëm, pajisja ka qenë specifike dhe nuk ka mundur me u rregullu gjatë ditës së djeshme, mirëpo pajisja e dëmtuar ka qenë specifike, por po besoj që sot vetëm është porositur ajo pjesë dhe gjatë ditës do të rregullohet”, tha Bytyqi.

Nuk është hera e parë që punimet në projektin “Bashkimi i Qytetit” lënë pa ujë banorët e Ferizajt. Gypi kryesor i furnizmit me ujë të pijshëm ishte dëmtuar edhe në rrugën ”Madeleine Albright” dhe afër qendrës së shitjes së IPKO-s.

Të gjitha këto dëmtime, drejtori i Infrastrukturës Arbër Bytyqi, tha se i faturohen punëkryesit.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

16 hours ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

2 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

3 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.