Ferizaj

Prodhuesit vendor ankohen për mospërkrahje nga shteti

Published

6 years ago

30 December, 2020

Pandemia e koronavirusit ka shkaktuar pengesa të mëdha në funksionimin e ekonomisë gjatë këtij viti, duke bërë që të ketë falimentime të bizneseve, shtim të papunësisë, rënie të fuqisë blerëse dhe asaj prodhuese.

Kadri Lalinovci nga Ferizaj i cili udhëheq tri kompani prodhuese, thotë se po e përmbyllin vitin 2020 me rreth 20-30% më pak fitim sesa viteve të kaluara.

“Ka qenë një vit shumë i tmerrshëm, unë i përfaqësoj tri biznese, njëra që merret me shitjen dhe distribuimin e lëndës së parë për prodhimin e mobilieve, kemi rënie këtu 18%, në kompaninë tjetër që është fabrika për prodhimin e dyshekëve sivjet kemi pas rënie prej 27%, por punëtorët nuk i kemi larguar, pagat ua kemi dhënë me rregull përkundër vështirësive që i kemi pas, ndërsa në fabrikën tjetër që është e re e cila merret me prodhimin e shiritave vetngjitës nuk e dimë a kemi rënie apo ngritje sepse është fabrikë e re, por vështirësi financiare kemi pas“, tha Lalinovci.

Lalinovci thotë se gjatë këtij viti probleme kanë pas edhe për sigurimin e lëndës së parë.

“Më së shumti kemi pas problem me lëndë të parë, nuk kemi pas mjaftueshëm, çmimet janë ngritur brenda dy muajve, nuk po dihet se çka është duke ndodhur me lëndën e parë, askush nuk na ka ndihmuar, as qeveria, as komuna, përveç me forca tona, me kredia që po mbahemi”, u shpreh Lalinovci.

Lalinovci shpreson që në vitin e ardhshëm shteti t’i përkrah më shumë bizneset prodhuese.

“Dy vitet e fundit shteti pak na ka ndihmuar, doganën na e kanë larguar prej prodhimit që është një plus për neve, po ashtu edhe TVSH-në nuk e paguajmë menjëherë por pasi ta bëjmë shitjen, e kjo është e njëjtë kryesorja ne e paguajmë, përndryshe nuk ka ndonjë beneficion si me na mbrojt si prodhues vendor, p.sh fabrikën e re që e kemi hapur prej Turqisë deri në Gjermani nuk ka këso fabrike, jemi vetëm ne, mirëpo nuk jemi jashtë konkurrence sepse nga jashtë munden me sjell me çmime shumë më të ulëta dhe neve si prodhues vendor nuk na mbron shteti jonë”, tha Lalinovci.

Sipas projeksionit të Bankës Qendrore të Kosovës, ekonomia e Kosovës për këtë vit ka shënuar rënie -7.2%.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.