Ferizaj

Shpresë për një vit më të mbarë

Published

6 years ago

31 December, 2020

Viti 2020 ishte vit i vështirë në të gjitha aspektet, si në rrafshin ekonomik, social e politik. Nga ky vit sfidues përfaqësuesit e partive politike në Ferizaj po urojnë që viti në të cilin po hyjmë të jetë vit i kthimit në normalitetet.

“Një vit i cili do të mbahet mend si vit i humbjeve të mëdha edhe për qytetin e Ferizajt sa i përket figurave eminente të Ferizajt të cilët për shkak të Covid-19 sot e kanë varfëruar jashtëzakonisht shumë pasurinë e përgjithshme të këtij qyteti dhe kanë krijuar boshllëqe, por megjithatë unë dëshiroj që të hymë në një vit të mbarë nga i cili presim që t’i kthehemi normalitetit edhe përmes vaksinimit të popullsisë, por edhe përmes përpjekjeve tona të përbashkëta për krijimin e kushteve më të mira për mirëqenie ekonomike dhe sociale”, tha Muharrem Svarqa, kryetar i LDK-së në Ferizaj.

” Ky vit ishte vit me sfida për shkak të pandemisë e cila ka kapluar gjithë globin dhe shfrytëzoj rastin që t’iu shpreh ngushëllime të gjitha familjeve që humbën të dashurit e tyre nga kjo sëmundje, ndërsa uroj të gjithë ata që kanë qenë afër dhe na kanë ndihmuar si mjekët, policia, zjarrfikësit, punonjësit e arsimit e të gjithë ata që ishin në vijë të parë. Sfidë tjetër ishte edhe ajo politike, ka pasur rrëzim të qeverisë dhe tani jemi afër zgjedhjeve dhe uroj që viti 2021 të jetë vit i mbarë në të gjitha aspektet edhe atë politik dhe ekonomik“, tha Valon Ramadani , kryetar i LVV-së në Ferizaj.

“Në emër të Aleancës për Ardhmërinë e Kosovës në Ferizaj uroj festat e fundvitit duke dëshiruar që të kemi shëndet e mirëqenie në vitin 2021 duke pasur parasysh që viti 2020 ka qenë vit sfidues për shkak të pandemisë Covid-19, andaj uroj që viti 2021 të jetë vit i mbarë për të gjithë qytetarët e komunës së Ferizajt”, tha Arton Gavazi nga AAK-ja.

Ferizaj

Siguria juaj fillon me zgjedhjen e duhur të sigurimit

Published

9 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

9 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.