Ferizaj

Qytetarët dhe afaristët Ferizajas – kampionë të humanizmit

Published

6 years ago

09 January, 2021

Se qytetarët dhe bizneset e Ferizajt shquhen për humanitetin e tyre, këtë e dëshmon edhe mobilizimi i fundit i tyre pas shpërthimit tragjik në restorantin “Steak House” më 5 Janar të këtij viti, me ç’rast u lënduan 44 persona, ku 6 prej tyre pësuan lëndime të rënda me djegie të shkallës së II-të dhe të III-të.

Pas apelit të familjarëve për ndihmë, u mobilizuan qytetarë dhe biznese nga vendi e mërgata, që të lënduarve t’u dalin në ndihmë me mjete financiare për shërim të tyre jashtë vendit. Falë presionit të madh publik, institucionet vendore u përkujdesën që më 7 Janar të aranzhojnë transportin dhe mjekimin e grupit të parë prej 4 të lënduarve drejt Turqisë, ndërsa dy të lënduarit e mbetur në Kosovë, Enver Xhokli dhe Fidan Gashi pritet që sot të dërgohen për trajtim në Austri.

Aksionit për mbledhjen e fondeve humanitare për shërimin e të lënduarve i priu fondacioni “Labinot Tahiri”, i cili deri sot ka tubuar rreth 100 mijë euro të kontributeve vullnetare nga qytetarë, biznese dhe mërgata.

Përveç tyre, nga bizneset e Ferizajt, në ndihmë familjeve u kanë dalë edhe Naser Hoxha, pronar i OXA Group, i cili ka kontribuar me 25 mijë euro dhe Xhevdet Rexhepi, pronar i Viva Fresh Store i cili për këtë qëllim ka ndarë 10 mijë euro.

Ferizaj

Gjobitet me 500 € për ndezje zjarri në Sojevë të Ferizajt

Published

16 hours ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

7 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.